လူငယ်ဘဝဆောင်းရက်များကို ငါအမှတ်ရသည်။ ငါအမှတ်ရချက်ကို ပြောပြချင်သည်။ ဆောင်းရက်တွေထဲ မှာ အနွေးထည်အင်္ကျီထူထူထဲထဲ မဝတ်ဆင်ဘဲ အင်္ကျီပါးကလေးနှင့် ကဖေးဆိုင်ထဲကို ဝင်ရောက်လာသူ မှာ ငါဖြစ်သည်။ ကျွန်တော်က ဒီနေ့ သိပ်မချမ်းသလို ခပ်တည်တည်နဲ့ ဝင် ရောက်လာပေမယ့် သူတို့က ကျွန် တော်ဟန်ဆောင်နေကြောင်းကို ရိပ် မိနေကြသည်လို့ ငါရေးခဲ့သည်။
နံ ပြားဖိုကြီးရဲ့အနီးမှာ ငါဝင်ထိုင်နေ လိုက်သည်။ ထို့ကြောင့် ငါနွေးသည်။ နွားမဒမ်းသေးလို ခပ်ကျဲကျဲကော်ဖီ တစ်ခွက်ရောက်လာသည်လို့ ငါရေး ခဲ့သည်။ ငါဂျက်လန်ဒန်ရဲ့ စာကို ဖတ်မိပြီး ထိုသို့ရေးခဲ့ခြင်းဖြစ်သည်။ အုတ်နီခဲပေါင်မုန့်လို့ သူက ဆက်ရေး သည်။ ထိုအကြောင်းများကို ငါအ သုံးချခဲ့သည်။ ကျွန်တော့် မေးရိုး တွေက သန်မာပါသည်လို့ ငါထည့် ရေးခဲ့သည်။ နှင်းတွေ အများကြီး တဖွဲဖွဲကျ ဆင်းနေသော နေ့ရက်များ ကို ငါကြုံခဲ့ဖူးသည်။ ထိုစဉ်က ငါ့လူငယ်ဘဝ။ ငါထက်သန်သော နေ့ရက်များမှာ စာတွေရေးခဲ့သည်။ ငါအတွေ့အကြုံများ က စိတ်ဝင်စား စရာ သိပ်မရှိ။ နို့ပေ မယ့်စာပေလက် ရာဟန်တစ်ခုအနေဖြင့် ငါရေးသား ဖော်ပြနိုင်ခဲ့သည်။ နှင်းတွေထဲမှာ လမ်းသလားရခြင်းကို ငါမွေ့လျော် သည်။
ငါ့အရေးအသား များထဲတွင် အမြဲပါဝင်လေ့ရှိသော လွှမ်းမိုးသော အကြောင်းအရာမှာ ဆာလောင်ခြင်း ဖြစ်သည်။ ငါ့ဇာတ်ဆောင်သည် စားစရာတစ်ခုတလေ တွေ့ရနိုးဖြင့် ဝေ့ဝဲကာကြည့်သည်။ အသုံးမကျတဲ့ ကျွန်တော့် မျက်လုံးတွေထဲမှာ စားစ ရာတစ်ခုတလေမျှကို မမြင်တွေ့ခဲ့ရ ပါလို့ရေးခဲ့သည်။ ငါ့၏ စာပေဟန်မှာ ထိုသို့သော အခြေအနေတွင် သူဌေး ကြီးဟောင်း ဝပ်ဟူးနှင့် မိတ်ဆက်ပေး ခြင်းဖြစ်သည်။ ကျွန်တော်မှာ တစ် ပြားတစ်ချပ်မှ မရှိတော့ပါဘူးလို့ တည်တည်ငြိမ်ငြိမ်ရေး သားနိုင်ခဲ့ သည်။ ငါ၏စာပေဟန်ကို နှစ်ခြိုက်ပုံ ရသော အယ်ဒီတာတစ်ယောက်နှင့် တွေ့ဆုံခဲ့သည်။ နောင်အခါတွင် ဝေဖန်ရေးဆရာက သူ့ ဇာတ်ဆောင် တွေ ဆာလောင်နေကြသူတွေပဲလို့ မှတ်ချက်ပြုခဲ့သည်။ ငါ အမှတ်ရ နေမိတာ ခုလိုဆောင်းရက်တွေ။
ငါ့မှာ ဈေးပေါပေါနဲ့ဝယ်ထားတဲ့ ကုတ်အင်္ကျီအဟောင်းကြီးလည်း ရှိနေပြီ။ အဲဒီကုတ်အင်္ကျီကြီးနဲ့ ငါ့နှင်း တွေထဲ လမ်းသလားပုံကို ပုံဖော်ခဲ့ သည်။ တကယ်တော့ ဖြစ်ရပ်မှန်ကို နဲနဲချဲ့ကားထားခြင်းပါ။ နို့ပေမယ့် ငါ ပြောပြချင်တာတွေရှိသည်။ ပုံနှိပ် တိုက်က ငါ့စာပေလက်ရာကို တဂျိမ်း ဂျိမ်းပုံနှိပ်နေချိန်မှာ ငါက ကဖေးဆိုင် ကလေးထဲ ထောင့်ကွေးမှာ။ ပြီးတော့ ရှိသေးသည် ကဖေးဆိုင်မျက်နှာကျက် က ပန်ကာကြီးကို တစ်ဆောင်းခိုမယ့် သတ္တုငှက်ကြီးလို့ တင်စားရေးခဲ့သည်။ ပျော်ခဲ့ဖူးပုံတွေပါပဲ။ စာလုံးအက္ခရာ တွေ မြင်ရတဲ့အခါ ပျော်ရွှင်ဖူးပါ သလား။ ငါတော့ ပြောမဆုံးပေါင် တောသုံးတောင် ကြုံခဲ့ဖူးပြီ။ ဒီနေ့ ကျွန်တော်က သိပ်မချမ်းသလိုနဲ့ ခပ် တည်တည်ဝင်ရောက်လာပေမယ့် သူ တို့က ကျွန်တော်ဟန်ဆောင်နေ ကြောင်းကို ရိပ်မိနေကြသည်ဆိုတာ လူငယ်ဘဝအတွေ့အကြုံတစ်ခုပါ။ နှင်းတွေတဖွဲဖွဲကျဆင်းလာရင် ကတ္တ ရာလမ်းမကြီးပေါ်မှာ လမ်းသလား ချင်ပါသေးသည်။ ငါနှစ်သက်တဲ့ ကားလ်ဆင်းဘတ်ရဲ့ ညထဲမှာ ဂေါ် တစ်ဂေါ်စာကြယ်တွေဆိုတဲ့ စာသား မျိုးတွေ ရွတ်ဆိုချင်သေးသည်။ အေး စက်တောင့်တင်းနေတဲ့ နားရွက်နှစ် ဖက်က ဆုပ်ကိုင်လိုက်ရင် ကြေမွသွား မလားပဲလို့ ဟိုတုန်းက ရေးခဲ့ဖူးသည်။ လူငယ်ဘဝနေ့ရက်များပါပဲ။ ခုတော့ ငါ့မှာ ဈေးပေါပေါနဲ့ ဝယ်ထားတဲ့ ကုတ်အင်္ကျီအဟောင်းကြီးလည်း မရှိ တော့။ မြို့ရဲ့ထောင့်ကွေးတစ်ခုမှာ ငါဘာသာငြိမ်သက်နေနိုင်ခဲ့ပါပြီ။ ဟေမန္တဆောင်းရက်များ။
နေမျိုး
