အဆိုတော်ကြာညိုသွယ်က ရေဘေးသင့်ဒေသများကို သွားရောက်လှူဒါန်းဖို့ စီစဉ်လျက်ရှိပါတယ်။ လူကိုယ်တိုင်သွားရောက်လို့ရတဲ့နေရာဒေသတွေကိုတော့ သူကိုယ်တိုင်သွားရောက်လှူဒါန်းဖို့လည်း စီစဉ်ထားပြီး သွားရောက်လို့ မရသေးတဲ့နေရာတွေကိုတော့ အလှူငွေပေးအပ်လှူဒါန်းလိုက်မယ်လို့ အဆိုတော် ကြာညိုသွယ် ကပြောပါတယ်။
“မနှစ်ကတော့ မွန်ပြည်နယ်ကလူကြီးတွေလက်ထဲကနေတစ်ဆင့် အလှူငွေကိုပေးပို့ပေးခဲ့တယ်။ ဒီနှစ်ကျတော့ အစ်မကိုယ်တိုင်လည်း ဒီမှာရောက်နေတယ်ဆိုတော့ ကိုယ်ကိုယ်တိုင် အလှူငွေမတည်ပြီး နိုင်ငံ ခြားမှာရှိတဲ့လူတွေအားလုံးကိုလည်း ဆက်သွယ်ထားတယ်။ သူတို့ဆီကရလာတဲ့ငွေတွေနဲ့ဆိုရင် ပိုပြီးတော့ အားပြည့်သွားမယ်။ အစ်မကိုယ်တိုင် အစ်မစိတ်ကြိုက် လိုအပ်တာလေးတွေကိုဝယ်သွားမယ်။မွန်ပြည်နယ် ကတော့ အစ်မကိုယ်တိုင်ပဲသွားပြီးတော့ ကယ်ဆယ်ရေးစခန်းတွေမှာ အချိုးကျသွားလှူဖို့အစီအစဉ်ရှိပါ တယ်။ လှူတဲ့အခါမှာလည်း ဘယ်လိုအဖွဲ့အစည်းဘယ်လိုပုဂ်္ဂိုလ်ရယ်လို့တော့ စွဲမှတ်မထားဘူး။ တကယ်မ ရောက်သေးတဲ့နေရာတွေကို သွားလှူချင်တယ်။ ဒီနေရာကြီးပဲသူလည်း လှူကိုယ်လည်းလှူဆိုရင် ဒီနေရာမှာ ကြီးပဲထပ်နေမယ်လေ။ အစ်မတို့ တိုင်းပြည်မှာကတော့ တစ်ယောက်နဲ့ တစ်ယောက်မရှိအတူ ရှိအတူ ကူညီ ရမှာပေါ့နော်။ အစ်မအနေနဲ့ တအားစိတ်မကောင်းဖြစ်ပါတယ်။ ကိုယ်တွေအိပ်နေတဲ့အချိန်မှာ သူတို့မှာအိပ် စရာမရှိဘူး၊ စားစရာမရှိ ဘူးဖြစ်နေတယ်။ ဒါကြောင့်အစ်မ ကိုယ်တိုင် အ၀တ်အစားလေးတွေယူသွားမယ်။ ဒီအချိန်မှာက သူတို့အ တွက်ကငွေထက်စာရင် နေဖို့ဝတ်ဖို့ စားသောက်ဖို့က ပိုပြီးတော့အရေးကြီးတယ်လေ”လို့ ရေဘေးအတွက် သွားရောက်လှူဒါန်းဖို့ စီစဉ်ထားမှုနဲ့ပတ်သက်လို့ အဆိုတော် ကြာညိုသွယ်က ပြောပြပါတယ်။
လက်ရှိမှာလည်း ရေဘေးကိုသွားရောက်လှူဒါန်းနေကြတဲ့ သူတွေအားလုံးကိုလည်း သူ့အနေနဲ့ အားကျလေးစားမိပါကြောင်းလည်း သူကပြောခဲ့ပါတယ်။
လင်းအက်္ခရာ
