စိတ်ဓာတ်တွေကျပြီး အစာအိမ်ရောဂါပြန်ဖြစ်ပြီး ဆေးရုံတက်ရတဲ့အခြေအနေထိဖြစ်ခဲ့တဲ့ ခင်သဇင်
မော်ဒယ် သရုပ်ဆောင် ခင်သဇင်ဟာ စက်တင်ဘာလ၂၁ရက်နေ့က အစာအိမ်ရောဂါကြောင့် ဆေးရုံ တက်လိုက်ရပါတယ်။ အားကစားတွေ အပြင်းထန်လုပ်ပြီး စိတ်ဖိစီးမှုတွေ များသွားတာကြောင့် ဖြစ်သွားခဲ့ရတာလို့ ခင်သဇင်က အခုလိုပဲပြောခဲ့ပါတယ်။
“ ဒီကာလအလုပ်တွေလဲ မရှိတော့ လူကစိတ်တွေလေပြီး အားကစားပဲ အပြင်းထန်လုပ်ဖြစ်တယ်။အစားလည်း မစားမိဘူး။ စိတ်ခံစားချက်တွေ ကလည်း အရမ်းခံစားဖြစ်နေတော့ လူကို ထိတာပေါ့နော်။ အစာအိမ်ရောဂါကတော့ အစကတည်းက ရှိတာပါ။ ဆေး လည်း ပုံမှန်သောက်ဖြစ်ပါတယ်။ ဒီရက်ပိုင်းက နည်းနည်း အဆင်မပြေတာတွေရှိတော့ အခုလိုဆေးရုံတက်ရမယ့် အနေအထားထိ ဖြစ် သွားတာပါ။ အခုတော့ဆေးသောက်ပြီးပဲ နားထားရတာပါ။ မနက်ဖန်မှ မှန်ပြောင်းကြည့်ပြီးမှ ရောဂါ အခြေအနေကို သိရမှာဆိုတော့ အခုတော့ နားပြီး နေပါတယ်။ ပရိသတ်တွေလည်း ဂရုစိုက်ကြပါ။” လို့ပြောပါတယ်။
