စည်ပင်သာယာ ရေး ကော်မတီဝင်ဟောင်း၊အနုပညာဆည်းဆာရိပ်ဘိုးဘွားရိပ်သာနှင့် ဆည်းဆာရိပ် ဘိုးဘွားရိပ်သာ ဦး ဆောင်သူ ၊အောင်ပရဟိတ ဖောင် ဒေးရှင်းထူထောင်သူ ၊အမျိုးသမီးစာ ရေး ဆရာ ဒေါ်သန်းမြင့်အောင် အလုပ်နှင့်ထောင် (၃)နှစ်ချမှတ်ခံရ
စည်ပင်သာယာ ရေး ကော်မတီဝင်ဟောင်း ၊အနုပညာဆည်းဆာရိပ်ဘိုးဘွားရိပ်သာနှင့် ဆည်းဆာရိပ် ဘိုးဘွားရိပ်သာဦးဆောင်သူ၊ အောင် ပရဟိတ ဖောင် ဒေးရှင်း ထူ ထောင်သူ၊အမျိုးသမီး စာ ရေး ဆရာ ဒေါ်သန်းမြင်အောင်အား ယနေ့တွင် အင်းစိန်အကျဥ်းထောင်တွင်းအထူးတရားရုံးက ပုဒ်မ- ၅၀၅(က)ဖြင့် အလုပ်နှင့်ထောင်ဒဏ် ၃ နှစ်အမိန့်ချမှတ်ခဲ့သည်။
“ဆရာမဒေါ်သန်းမြင့်အောင်က ဖေဖော်ဝါရီ ၁ ရက်နေ့ထဲကဖမ်းခံထားရတာဖြစ်ပါတယ် ဒီနေ့မှာ ပုဒ်မ-၅၀၅(က)နဲ့ ဖွင့်ထားတဲ့အမှုနဲ့ ပတ်သတ်ပြီး အမိန့်ချလိုက်တာပါ”ဟု ရှေ့နေတစ်ဦးကပြော သည်။
စာရေးဆရာမဒေါ်သန်းမြင့်အောင်သည် ၂၀၁၄ ခုနှစ်က ပြည်သူ့ဂုဏ်ရည်ဆုရရှိထားသူတစ်ဦးဖြစ်ကာ ပရဟိတလုပ်ငန်းများအား အစဥ်တစိုက်လုပ် ဆောင်ခဲ့သူဖြစ်သည်။
စာရေးဆရာမဒေါ်သန်းမြင့်အောင်အားနေအိမ် ၌ဖမ်းဆီးခဲ့ ပြီးနောက် စစ်ဆေးမှုများပြုလုပ်ပြီး အင်းစိန်အကျဥ်းထောင်သို့ပို့ဆောင်ခဲ့ ခြင်းဖြစ် သည်။
ဒေါ်သန်းမြင့်အောင်၏ ကျန်းမာရေးကောင်းမွန်ခြင်းမရှိသည့်အနေအထားဖြစ်နေကြောင်း ရှေ့နေအသိုင်းအဝိုင်းမှ သိရသည်။
