ထိုင်းနိုင်ငံတွင် ယာဉ်တိမ်းမှောက်မှုဖြစ်ခဲ့ပြီး ကွယ်လွန်သွားသည့် မြန်မာလုပ်သား(၅)ဦးကို ယနေ့ သဂြိုလ်
ပြီးခဲ့တဲ့ ၂၀၂၂ ဇန်နဝါရီ ၂၀ရက်နေ့က ထိုင်းနိုင်ငံ ကန်ချနဘူရီပြည်နယ် အမှတ် ၃၂၃ လမ်းမကြီး ပေါ် ယာဉ်တိမ်းမှောက်မှုဖြစ်ခဲ့ရာမှတဆင့် ဆုံးပါးသွားသည့် မြန်မာရွှေ့ပြောင်းအလုပ်သမား(၅)ဦးကို ယနေ့နေ့လည်တွင် မြန်မာ့ထုံးတမ်းအစဉ်အလာအတိုင်း သဂြိုလ်ခဲ့သည်။
၎င်းတို့အား တင်ဆောင်လာသည့် ကားသည် ထိုင်းနိုင်ငံ သွန်ဖာဖမ်ခရိုင်မှ ဆိုင်ရို့ခရိုင်သို့ မောင်းနှင်လာစဉ် စစ်ဆေးရေးဂိတ် အခြေအနေအရ သွန်ဖာဖမ်ဘက်သို့ ပြန်လှည့်ခဲ့ရာတွင် ဆယ်ဘီး ကားအား နောက်မှ ဝင်တိုက်၍ ဟန်ချက်ပျက်တိမ်းမှောက်ခဲ့ခြင်းဖြစ်သည်ဟု မြန်မာအလုပ်သမားသံအရာရှိရုံးက ပြောသည်။
ယာဉ်ပေါ် မြန်မာ အလုပ်သမား ကျား ၄ ဦး၊ မ ၆ ဦး ပါဝင်ပြီး ၅ ဦးသေဆုံးခဲ့ခြင်းဖြစ်ကာ ၎င်းတို့မှာ ၁၃-၁-၂၀၂၂ ရက်နေ့က ပဲခူးမြို့မှ ဘုရားသုံးဆူမြို့နယ်၊ ထိုမှတစ်ဆင့် ထိုင်းနိုင်ငံ၊ သွန်ဖာဖမ်ခရိုင်သို့ တောလမ်းခရီးဖြင့် ခရီးဆက်ကာ စိုင်ရို့ခရိုင်နယ်စပ်သို့ ရောက်ရှိပြီး ကန်ချနဘူရီပြည်နယ်အတွင်း ဝင်ရောက်ရန် ပြင်ဆင်စဉ် စစ်ဆေးရေးဂိတ် အား တွေ့၍ လှည့်ပြန်ရာမှ ယာဉ်တိမ်းမှောက်မှု ဖြစ်ပွားခဲ့ခြင်းလည်းဖြစ်သည်။
ရက် အနည်းငယ်အထိ သေဆုံးခဲ့သူများအား မည်သူမည်ဝါဖြစ်ကြောင်း ဖော်ထုတ်၍ မရနိုင်ဖြစ်ခဲ့သော်လည်း နောက်ပိုင်း စုံစမ်းမှု၊ဆက်သွယ်လာမှုတို့အရ ကန်ချနဘူရီပြည်နယ်၊ စိုင်ရို့ခရိုင်တွင် ယာဉ်တိမ်းမှောက်သေဆုံးခဲ့သည့် အလုပ်သမား ၅ ဦးမှာ ၁။ မောင်သက်နိုင်ဖြိုး(အသက်-၂၀ နှစ်)၊ ဖြူးမြို့နယ်၊၂။ မောင်နိုင်ဝင်းစိုး(အသက်-၃၃ နှစ်)၊ ဖြူးမြို့နယ်၊၃။ ဦးအောင်ရွှေဝင်း(အသက်-၃၈ နှစ်)၊ ရသေ့တောင်မြို့နယ်၊၄။ မခင်မာနွယ်(အသက်-၂၇ နှစ်)၊ ရသေ့တောင်မြို့နယ်၊၅။ မအိဖြူအောင်(အသက်-၂၆ နှစ်)၊ ပျဉ်ပုံကြီး၊ ပဲခူးမြို့တို့ဖြစ်ကြောင်း သိရှိခဲ့ရသည်။
ထိုင်းနိုင်ငံအခြေစိုက် မြန်မာအလုပ်သမားသံအရာရှိရုံးက မြန်မာ့ထုံးတမ်းအစဉ်အလာအတိုင်း တတ်နိုင်သမျှ တူညီအောင် သင်္ဂြိုဟ်ခဲ့ကြောင်းနှင့် သေဆုံးသူ၏ မိဘ၊ ဇနီး/ခင်ပွန်း၊ သားသမီးများ လျော်ကြေးရရှိနိုင်ရေး ဆက်လက်ဆောင်ရွက် ပေးသွားမည် ဖြစ်ကြောင်း ပြောဆိုထားသည်။
Zaw Gyi
ထိုင္းႏိုင္ငံတြင္ ယာဥ္တိမ္းေမွာက္မႈျဖစ္ခဲ့ၿပီး ကြယ္လြန္သြားသည့္ ျမန္မာလုပ္သား(၅)ဦးကို ယေန႔ သၿဂိဳလ္
ၿပီးခဲ့တဲ့ ၂၀၂၂ ဇန္နဝါရီ ၂၀ရက္ေန႔က ထိုင္းႏိုင္ငံ ကန္ခ်နဘူရီျပည္နယ္ အမွတ္ ၃၂၃ လမ္းမႀကီး ေပၚ ယာဥ္တိမ္းေမွာက္မႈျဖစ္ခဲ့ရာမွတဆင့္ ဆုံးပါးသြားသည့္ ျမန္မာေ႐ႊ႕ေျပာင္းအလုပ္သမား(၅)ဦးကို ယေန႔ေန႔လည္တြင္ ျမန္မာ့ထုံးတမ္းအစဥ္အလာအတိုင္း သၿဂိဳလ္ခဲ့သည္။
၎တို႔အား တင္ေဆာင္လာသည့္ ကားသည္ ထိုင္းႏိုင္ငံ သြန္ဖာဖမ္ခ႐ိုင္မွ ဆိုင္႐ို႕ခ႐ိုင္သို႔ ေမာင္းႏွင္လာစဥ္ စစ္ေဆးေရးဂိတ္ အေျခအေနအရ သြန္ဖာဖမ္ဘက္သို႔ ျပန္လွည့္ခဲ့ရာတြင္ ဆယ္ဘီး ကားအား ေနာက္မွ ဝင္တိုက္၍ ဟန္ခ်က္ပ်က္တိမ္းေမွာက္ခဲ့ျခင္းျဖစ္သည္ဟု ျမန္မာအလုပ္သမားသံအရာရွိ႐ုံးက ေျပာသည္။
ယာဥ္ေပၚ ျမန္မာ အလုပ္သမား က်ား ၄ ဦး၊ မ ၆ ဦး ပါဝင္ၿပီး ၅ ဦးေသဆုံးခဲ့ျခင္းျဖစ္ကာ ၎တို႔မွာ ၁၃-၁-၂၀၂၂ ရက္ေန႔က ပဲခူးၿမိဳ႕မွ ဘုရားသုံးဆူၿမိဳ႕နယ္၊ ထိုမွတစ္ဆင့္ ထိုင္းႏိုင္ငံ၊ သြန္ဖာဖမ္ခ႐ိုင္သို႔ ေတာလမ္းခရီးျဖင့္ ခရီးဆက္ကာ စိုင္႐ို႕ခ႐ိုင္နယ္စပ္သို႔ ေရာက္ရွိၿပီး ကန္ခ်နဘူရီျပည္နယ္အတြင္း ဝင္ေရာက္ရန္ ျပင္ဆင္စဥ္ စစ္ေဆးေရးဂိတ္ အား ေတြ႕၍ လွည့္ျပန္ရာမွ ယာဥ္တိမ္းေမွာက္မႈ ျဖစ္ပြားခဲ့ျခင္းလည္းျဖစ္သည္။
ရက္ အနည္းငယ္အထိ ေသဆုံးခဲ့သူမ်ားအား မည္သူမည္ဝါျဖစ္ေၾကာင္း ေဖာ္ထုတ္၍ မရႏိုင္ျဖစ္ခဲ့ေသာ္လည္း ေနာက္ပိုင္း စုံစမ္းမႈ၊ဆက္သြယ္လာမႈတို႔အရ ကန္ခ်နဘူရီျပည္နယ္၊ စိုင္႐ို႕ခ႐ိုင္တြင္ ယာဥ္တိမ္းေမွာက္ေသဆုံးခဲ့သည့္ အလုပ္သမား ၅ ဦးမွာ ၁။ ေမာင္သက္ႏိုင္ၿဖိဳး(အသက္-၂၀ ႏွစ္)၊ ျဖဴးၿမိဳ႕နယ္၊၂။ ေမာင္ႏိုင္ဝင္းစိုး(အသက္-၃၃ ႏွစ္)၊ ျဖဴးၿမိဳ႕နယ္၊၃။ ဦးေအာင္ေ႐ႊဝင္း(အသက္-၃၈ ႏွစ္)၊ ရေသ့ေတာင္ၿမိဳ႕နယ္၊၄။ မခင္မာႏြယ္(အသက္-၂၇ ႏွစ္)၊ ရေသ့ေတာင္ၿမိဳ႕နယ္၊၅။ မအိျဖဴေအာင္(အသက္-၂၆ ႏွစ္)၊ ပ်ဥ္ပုံႀကီး၊ ပဲခူးၿမိဳ႕တို႔ျဖစ္ေၾကာင္း သိရွိခဲ့ရသည္။
ထိုင္းႏိုင္ငံအေျခစိုက္ ျမန္မာအလုပ္သမားသံအရာရွိ႐ုံးက ျမန္မာ့ထုံးတမ္းအစဥ္အလာအတိုင္း တတ္ႏိုင္သမွ် တူညီေအာင္ သၿဂႋဳဟ္ခဲ့ေၾကာင္းႏွင့္ ေသဆုံးသူ၏ မိဘ၊ ဇနီး/ခင္ပြန္း၊ သားသမီးမ်ား ေလ်ာ္ေၾကးရရွိႏိုင္ေရး ဆက္လက္ေဆာင္႐ြက္ ေပးသြားမည္ ျဖစ္ေၾကာင္း ေျပာဆိုထားသည္။
