အိန္ဒိယအစိုးရ ထောက်ပံ့သည့် ဆန်နှင့်ဂျုံများအား ရွှေပြည်သာတွင် ပေးဝေ

အိန္ဒိယအစိုးရ ထောက်ပံ့သည့် ဆန်နှင့်ဂျုံများအား ရွှေပြည်သာတွင် ပေးဝေ

အိန္ဒိယအစိုးရက မြန်မာနိုင်ငံအပေါ် လူသားချင်းစာနာထောက်ထားမှုအရ ပေးပို့သော ဆန်နှင့်ဂျုံများအား ရန်ကုန် ရွှေပြည်သာမြို့နယ်တွင် ဧပြီ ၂၆ရက်က ပေးဝေခဲ့သည်ဟု မြို့ခံအချို့ထဲက သိရသည်။

“ဆန်ရတယ်။ထောက်ပံ့တာလို့ ပြောပြီး ပေးတယ်။အိန္ဒိယက လှူတာလို့လည်းပြောတယ်”ဟု မြို့ခံတစ်ဦးကပြောပြသည်။

ဆန်နှင့် ဂျုံပေးဝေမှုကို ရွှေပြည်သာမြို့နယ် အမှတ် ၂၆ရပ်ကွက်ရှိ ကျောင်းကုန်းအစာစပ်စက်ရုံ
၌ ရပ်ကွက်၊ ကျေးရွာအုပ်ချုပ်ရေးမှူးများထံ ဖြန့်ဝေပေးကာ ထိုသို့ ဖြန့်ဝေပေးခြင်းအပေါ် ပြည်သူများထံ ဆက်လက် ဖြန့်ဝေပေးခဲ့သည်ဟုသိရသည်။

ရွှေပြည်သာမြို့နယ်တွင် ရပ်ကွက်၊ ကျေးရွာ ၂၇ ခုရှိပြီး လှူဒါန်းသည့် ဆန်အိတ်အရေအတွက်မှာ ၂၅၁၄အိတ်၊ ဂျုံအိတ်အရေအတွက်မှာ ၄၅၀အိတ်ဖြစ်သည်ဟု သိရသည်။