ထိုင်းအစိုးရအနေဖြင့် မူးယစ်တိုက်ဖျက်ရေးတွင်အောင်မြင်မှုများရရှိနေဟု ဝန်ကြီးဆို
မေလ ၁၇ ရက်နေ့တွင် ထိုင်းနိုင်ငံ၏တရားရေးဝန်ကြီးက တစ်နိုင်ငံလုံးအတိုင်းအတာဖြင့်မူးယစ်ဆေးဝါးဖမ်းဆီးရမိမူမှ ဘတ်ငွေသန်းပေါင်း ၅ သန်းခန့် သိမ်းဆည်းရမိကြောင်းနှင့် နှစ်ကုန်ပိုင်းလောက်တွင် ဘတ်ငွေ ၁၀ သန်းခန့်ထပ်မံသိမ်းဆည်းနိုင်ရန်မျှော်လင့်ထားသည်ဟုပြောကြားခဲ့သည်။
ထိုင်းမြေအောက်မူးယစ်လောကကိုခြေရာခံရန် ခက်ခဲ သော်လည်း မူးယစ်ဂိုဏ်းများထက် ခြေတစ်လှမ်းသာအောင် ကြိုးစားအကောင်အထည်ဖော်သွားမည်ဟုပြောခဲ့သည်။
အစိုးရအနေဖြင့် မူးယစ်မှောင်ခိုသမားများ၏ ပိုင်ဆိုင်မှုနှင့် ဝင်ငွေလမ်းကြောင်းများကို ဖြတ်တောက်နိုင်သည့် မဟာဗျူဟာများဖြင့်နှိမ်နင်းသွားမည် ဖြစ်သည်။
ဖမ်းဆီးရမိသောငွေများ၏ ၃၀% သည် ဖမ်းဆီးမှုအတွက်သတင်းပေးသောဒေသခံပြည်သူများနှင့် ကြိုးပမ်းဆောင်ရွက်ပေးသောအရာရှိများအတွက် ၊၂၅% မှာ အာဏာပိုင်များကိုအပ်နှံရန်အတွက်နှင့် ၅% ကိုမူ နယ်မြေခံများအတွက်ဖြစ်သည်ဟုဆိုသည်။
နောက်ဆုံးတွင် ဝန်ကြီးက မူးယစ်မှောင်ခိုများကို ရပ်တန်းက ရပ်ရန်နှင့်လာမည့်နှစ်များတွင် မူးယစ်ဆေးဝါး ရောင်းဝယ်ဖောက်ကားခြင်းကိုအရင်ကထက်ပို၍အဓိကထားကိုင်တွယ်မည်ဟုသတိပေးပြောကြားခဲ့သည်။
Source:Thairath
