ဓာတ်ပုံပညာရှင်တစ်ဦးဖြစ်သူ ကိုကျော်ဝင်းလှိုင်ကားတိုက်ခံရ၍ ကွယ်လွန်
ဓာတ်ပုံရှင်တစ်ဦးဖြစ်ကာ Sony Alpha Brand Ambassador ၏ဖြစ်သည့် ကိုကျော်ဝင်းလှိုင်သည် မေ ၂၆ ရက်(ယနေ့)နံနက် ၅ နာရီခွဲကျော်ခန့်က ကွယ်လွန်သွားခဲ့သည်။
တောင်ဥက္ကလာပမြို့နယ်၊မေတ္တာလမ်းတွင် စက် ဘီးစီးလာသည့် ကိုကျော်ဝင်းလှိုင်အား လမ်းပြောင်းပြန်မောင်းနှင်လာသည့် ကားတစ်စီးမှဝင်တိုက်မိခဲ့၍ ကွယ်လွန်သွားခဲ့ခြင်းဖြစ်သည်။
ယမန်နေ့က သူနှင့် Sony Camera တို့၏ စာချုပ်သက်တမ်း တိုးခြင်းကို ပျော်ရွှင်ဂုဏ်ယူစွာ လက်မှတ်ထိုးခဲ့သေးသည်။
သူ့ လူမူကွန်ယက်၏ နောက်ဆုံးပို့စ်မှာ
“Happy Day !!!
အခက်ခဲ အကျပ်တည်းတွေကြားမှ ရှေ့ခရီးကိုဆက်နိုင်ဖို့ အားအင်တွေဖြစ်ရပါတယ်။ Sony Alpha Brand Ambassador အဖြစ် ၂၀၁၆ ခုနှစ်မှ စတင်ပြီးလက်တွဲခဲ့ပါတယ်။ ယခုနှစ် ၂၅-၅-၂၀၂၂ ခုနှစ်မှာ ၇ နှစ်မြောက်အဖြစ် ဆက်လက်ခရီးဆက်ခွင့်ရတဲ့အတွက် များစွာဂုဏ်ယူပါတယ်။ အကောင်းဆုံးလက်တွဲရင်း ကောင်းမွန်တဲ့နှစ်တစ်နှစ်ဖြစ်အောင်ကြိုးစားသွားမယ်။ ယနေ့အချိန်ထိ ဆရာ၊ ညီအစ်ကိုမောင်နှစ်မ၊ မိတ်ဆွေများနှင့်အတူတူလက်တွဲခွင့်ရတဲ့အတွက်လည်း များစွာဂုဏ်ယူလျှက်ပါ….။
Save Date – 25-5-2022″ဟု အမှတ်ရတင်ခဲ့သည်။
ကိုကျော်ဝင်းလှိုင်၏ ရုပ်အလောင်းအား မေ ၂၈ ရက်တွင် ရေဝေးသုဿန်၌ ဂူသွင်းသဂြိုလ်သွားမည်ဖြစ်ကြောင်း သိရသည်။
ကိုကျော်ဝင်းလှိုင်သည် Sony World Photography award အပြင်နိုင်ငံတကာဆုများရရှိထားသူတစ်ဦးဖြစ်သည်။
Photo Credit Zayar Myat khaing