သင်္ဃန်းကျွန်းမြို့နယ်တွင် နေအိမ်အတွင်းမှ ငွေကျပ် ၁ ဘီလီယံတန်ဖိုးရှိ စိတ်ကြွဆေး ၁၀ သိန်းပြား ဖမ်းမိ
ရန်ကုန်မြို့၊သင်္ဃန်းကျွန်းမြို့နယ်၊ရန်ကုန်သစ်ရပ်ကွက်၊ဘုရင့်နောင်(၁၀)လမ်းရှိ နေအိမ်တစ်လုံးအ တွင်းမှ ဇွန် ၂ ရက်နံနက်ပိုင်းက ဖမ်းဆီးရမိခဲ့ခြင်းဖြစ်ကြောင်း ရဲတပ်ဖွဲ့မှ သိရသည်။
ယင်းနေ့နံနက် ၈ နာရီခန့်က မူးယစ်ဆေးဝါးတား ဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သည့် ပူးပေါင်းအဖွဲ့သည် ဘုရင့်နောင်(၁၀)လမ်းနေ တင်ဝင်း ၏နေအိမ်အား သတင်းအရဝင်ရောက်ရှာဖွေခဲ့ကြသည်။
ထိုသို့ ရှာဖွေရာ နေအိမ်မှ ဒေသကာလတန်ဖိုးငွေကျပ် ၁ ဘီလီယံတန်ဖိုးရှိ စိတ်ကြွဆေး ၁၀ သိန်းပြားအား ဖမ်းဆီးရမိခဲ့သည်ဟု ရဲတပ်ဖွဲ့မှ သိရသည်။
စိတ်ကြွဆေးပြားများနှင့်အတူ ဖမ်းဆီးရမိသူအား စစ်ဆေးချက်အရ ယင်းနေ့မွန်းတည့် ၁၂ နာရီ၌ စိတ်ကြွဆေးပြားများပိုင်ရှင်ဖြစ်သည့် မနန်းခမ်းအောင်(ခ)မအေးခင် အားသင်္ဃန်းကျွန်းမြို့နယ်၊ ရန်ကုန်သစ်ရပ်ကွက်၊အောင်ဇေယျ(၈)လမ်းရှိနေ အိမ်၌ ထပ်မံဖမ်းဆီးရမိခဲ့သည်။
ထို့ကြောင့် ဖမ်းဆီးရမိသူများအား မူးယစ်ဆေး ဝါးနှင့်စိတ်ကိုပြောင်းလဲစေသောဆေးဝါးများဆိုင် ရာဥပဒေအရအရေးယူကာ ဆက်စပ်ပြစ်မှုကျူး လွန်သူများအား ဖမ်းဆီးရမိရေးအတွက် စစ်ဆေးလျက်ရှိကြောင်း ရဲတပ်ဖွဲ့မှ သိရသည်။
