ကလေးညစ်ညမ်းစာပေဖြန့်ဝေမှုဖြင့် ဗြိတိန် လူမျိုးတစ်ဦးအား နိုင်ငံဖြတ်ကျော်ဖမ်းဝရမ်းဖြင့် ထိုင်းတွင်ဖမ်းဆီးမိ
ဗြိတိန်နိုင်ငံမှ တရားခံလွှဲပြောင်းရေးအတွက် အလိုရှိနေသော အသက် ၄၅ နှစ်အရွယ်ရှိ ဝီလီယံဆိုသူ ဗြိတိန်အမျိုးသားတစ်ဦးအားမနေ့ကထိုင်းနိုင်ငံ Bang Lamung တွင် နိုင်ငံဖြတ်ကျော်ဖမ်းဝရမ်းဖြင့်ဖမ်းဆီးခဲ့ကြောင်း ထိုင်းမူခင်းနှိမ်နင်းရေးဌာနခွဲမှပြောသည်။
၎င်းသည် ၂၀၀၈ ခုနှစ်နှင့် ၂၀၁၃ ခုနှစ်ကြားကာလများတွင်လည်း ကလေးညစ်ညမ်းစာပေ ဖန်တီးခြင်း၊လက်ဝယ်ထားရှိခြင်းနှင့်ဖြန့်ဖြူးခြင်း စွဲဆိုချက်များဖြင့် ဗြိတိန်ရှိ စကော့တလန်ယာ့ဒ်ရဲတပ်ဖွဲ့၏ ဖမ်းဆီးခြင်းခံခဲ့ရဖူးသည်။
သို့သော် ထိုအချိန်ကတရားစီရင်ရေးလုပ်ထုံးလုပ်နည်းအရ ၎င်းသည်အာမခံဖြင့်လွတ်မြောက်ခဲ့ပြီး ထိုင်းနိုင်ငံသို့ထွက်ပြေးတိမ်းရှောင်လာသည်မှာ ၈ နှစ်ကျော်ရှိပြီဖြစ်သည်။
ဗြိတိန် အမျိုးသားမှုခင်းအေဂျင်စီ၏ တောင်းဆိုချက်အရ ဗဟိုစစ်ဆေးရေးဗျူရိုမှ စုံစမ်းစစ်ဆေးသူများက ၎င်းသည် ချွန်ဘူရီတွင်နေထိုင်ကြောင်း တွေ့ရှိခဲ့သဖြင့် ဖမ်းဆီးနိုင်ခဲ့ခြင်းဖြစ်သည်။
ရာဇဝတ်တရားရုံး၏ မတ်လ (၂၃) ရက်နေ့က တရားခံ လွှဲပြောင်းဖမ်းဝရမ်းအရ ဖမ်းဆီးခဲ့ခြင်းဖြစ်သည်။ထို့ပြင် အဆိုပါအမျိုးသားသည် ဗီဇာသက်တမ်းလည်း ကျော်လွန်နေထိုင်ခဲ့သူဖြစ်နေသည်။ဥပဒေကြောင်းအရ ဆောင်ရွက်စရာရှိသည်များလုပ်ဆောင် ပြီးပါက တရားခံအား ဗြိတိန်သို့ ပြန်လည်လွှဲပြောင်းပေးမည်ဖြစ်ကြောင်း ရဲမူးကြီး ဘွန်လူးက ပြောသည်။
Source – Bangkok Post
