နေပြည်တော်ရှိ ဟိုတယ်နှင့် တည်းခိုခန်းများ ဧည့် စာရင်းစီမံခန့်ခွဲမှုစနစ် အသုံးပြုမှု နည်းပါးဟု ဟိုတယ်နှင့် ခရီးဝန်ကြီး ပြော
ပြည်ထောင်စုနယ်မြေ၊ နေပြည်တော်ရှိ ဟိုတယ်နှင့် တည်းခိုခန်းများ အနေဖြင့် လာရောက်တည်းခိုသည့် ဧည့်သည်စာရင်းအား သက်ဆိုင်ရာသို့ အသိပေးရန်ကိစ္စတွင် ဝန်ကြီးဌာန၏ အစီအစဉ်အတိုင်း လိုက်နာဆောင် ရွက်မှု အားနည်းကြောင်း ဟိုတယ်နှင့် ခရီးဝန်ကြီး ပြော သည်။
နေပြည်တော်ရှိ ဟိုတယ်နှင့် တည်းခိုရိပ်သာလုပ်ငန်းရှင်များ၊ တာဝန်ရှိသူများနှင့် နေပြည်တော်ဟိုတယ်ဆိုင်ရာလုပ်ငန်းရှင်များအသင်းမှ တာဝန်ရှိသူများကိုတွေ့ဆုံစဉ် ဝန်ကြီးက ပြောကြားခဲ့ခြင်း ဖြစ်သည်။
“ခရီးသွားဧည့်သည်များ လာရောက်တည်းခိုနေထိုင်မှုစာရင်းဇယားများအား ပြောင်းလဲတိုးတက် လာသော နည်းစနစ်များနှင့် အညီဆောင်ရွက်နိုင်ရေးအတွက် ဧည့် စာရင်းစီမံခန့်ခွဲမှုစနစ် (Guest List Management System- GLMS) အားဆောင်ရွက်လျက်ရှိရာ ဟိုတယ် (၈၆)လုံးမှ မှတ်ပုံတင်ပြီးဖြစ်သော်လည်း အမှန်တကယ်အသုံးပြုမှု နည်းပါးသေးသည်ကို တွေ့ရှိရပါတယ်” ဟု ဝန်ကြီး ဦးဌေးအောင်က ပြောသည်။
တည်းခိုနေထိုင်သော ခရီးသွားဧည့်သည်များ လုံခြုံစိတ် ချစွာ တည်းခိုနေထိုင်နိုင်ရေးအတွက် လုံခြုံရေးစစ်ဆေးသည့် ကိရိယာများကို စနစ်တကျပြန်လည် တပ်ဆင်အ သုံးပြုကြရန်နှင့် ဝန်ထမ်းများအနေဖြင့်လည်း လုံခြုံရေးအသိ၊ လုံခြုံရေးသတိရှိကြရန်လည်း ဝန်ကြီးက သတိ ပေး မှာကြားခဲ့သည်။
နေပြည်တော် ကောင်စီနယ်မြေအတွင်း၌ ဟိုတယ်နှင့်ခရီး သွားလုပ်ငန်းဆိုင်ရာ လိုင်စင်ရယူထားသည့် ဟိုတယ်နှင့် တည်းခိုရိပ်သာ(၉၈)လုံးရှိပြီး လက်ရှိအချိန်တွင် ဟိုတယ် နှင့် တည်းခိုရိပ်သာ (၇၅)လုံး ဖွင့်လှစ်ထားကြောင်း သိရသည်။
ဟိုတယ်နှင့် ခရီးသွားလာရေး ဝန်ကြီးဌာနအနေဖြင့် ခရီး သည်များ တည်းခိုနေထိုင်မှု အဆင်ပြေစေ ရေး၊ လုံခြုံစိတ်ချစွာသွားလာနိုင်ရေးနှင့် ကောင်းမွန်သောဝန်ဆောင် မှုများပေးနိုင်ရေးအတွက် စဉ်ဆက်မပြတ် ကြိုးပမ်းလုပ် ဆောင် ပေးနေကြောင်းလည်း ဝန်ကြီးက ပြောသည်။
ထို့အပြင် ဟိုတယ်နှင့် တည်းခိုရိပ်သာများ အနေဖြင့် မသန်စွမ်း ခရီးသွားဧည့်သည်များ၏ လိုအပ်ချက်များကို ဖြည့်ဆည်းအကောင်အထည်ဖော် ဆောင်ရွက်နိုင်ရေးအတွက် ဝိုင်းဝန်းဖြည့်ဆည်းဝန်ဆောင်မှုပေးကြရန်လည်း တိုက်တွန်း မှာကြားသွားသည်။
