တာချီလိတ်မြို့နယ် ပန်စလီ-ဝမ်ကျောက်လုံသွားကားလမ်းဘေး ပေ ၄၀ ခန့်နက်သည့်ချောက်အတွင်း အမျိုးသမီးတစ်ဦး၏ရုပ်အလောင်းတွေ့
ရှမ်းပြည်နယ်၊တာချီလိတ်မြို့နယ်၊ဝမ်လုံးကျေး ရွာအုပ်စု၊ပန်စလိ-ပလောင်ကျေးရွာအနီးရှိ ပန်စလိ-ဝမ်ကျောက်လုံသွားကားလမ်းဘေး၌ ဇွန် ၂၀ ရက်မွန်းလွဲ ၁ နာရီခွဲခန့်က တွေ့ရှိခဲ့ရခြင်းဖြစ်ကြောင်း ဦးလှမိုး(တာချီလိတ်)လူမှုကူညီရေးအသင်းမှ သိရသည်။
ပန်စလိ-ဝမ်ကျောက်လုံသွားကားလမ်းဘေးရှိ ပေ ၄၀ ခန့်နက်သည့် ချောက်အတွင်း၌ အမည်မသိအမျိုးသမီးတစ်ဦး၏ ရုပ်အလောင်းတွေ့ရှိကြောင်းသတင်းအရ ရဲတပ်ဖွဲ့ဝင်များကသွား ရောက်စစ်ဆေးခဲ့ကြသည်။
ထိုသို့ စစ်ဆေးရာ အသက်(၄၀)နှစ်ကျော်ခန့်ရှိ အမည်၊နေရပ်လိပ်စာ(စုံစမ်းဆဲ)အမျိုးသမီး၏ ပုတ်ပွနေသည့် ရုပ်အလောင်းအားတွေ့ရှိခဲ့ရကြောင်း သိရသည်။
ရဲတပ်ဖွဲ့ဝင်များမှရုပ်အလောင်းအား စစ်ဆေးပြီးနောက် ဦးလှမိုး(တာချီလိတ်)လူမှုကူညီရေးအ သင်းဝင်များမှ လမ်းမပေါ်သို့ခက်ခဲစွာသယ် ဆောင်ခဲ့ကြပြီး တာချီလိတ်မြို့ပြည်သူ့ဆေးရုံရင်ခွဲရုံသို့ ပို့ဆောင်ပေးခဲ့ကြကြောင်း သိရသည်။
ထိုသို့ ပို့ဆောင်ခဲ့ပြီးနောက် ဆရာဝန်များ၏ ဆေးစစ်ချက်ရယူပြီးနောက် တာဝန်ရှိသူများ၏ ခွင့်ပြု ချက်အရ ဦးလှမိုး(တာချီလိတ်)လူမှုကူညီရေးအသင်းဝင်များမှ ညနေပိုင်းတွင် မြို့မကျောက်တောင်သုသာန်၌ မီးသင်္ဂြိုလ်ပေးခဲ့ကြသည်ဟု သိရသည်။
