DKBA အနေဖြင့် နှစ်ရှည်သီးနှံများစီးပွားဖြစ်စိုက်ပျိုးလိုပါက မြေယာအသုံးပြုခွင့်၊မျိုးရရှိရေးနှင့်နည်းပညာအကူအညီများပေးမည်ဟု ပြည်ထောင်စုဝန်ကြီးဦးတင်ထွဋ်ဦးပြောကြားခဲ့

DKBA အနေဖြင့် နှစ်ရှည်သီးနှံများစီးပွားဖြစ်စိုက်ပျိုးလိုပါက မြေယာအသုံးပြုခွင့်၊မျိုးရရှိရေးနှင့်နည်းပညာအကူအညီများပေးမည်ဟု ပြည်ထောင်စုဝန်ကြီးဦးတင်ထွဋ်ဦးပြောကြားခဲ့

စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီး ဌာန ပြည်ထောင်စုဝန်ကြီးဦးတင်ထွဋ်ဦးမှ ဒီမိုကရေစီအကျိုးပြုကရင်တပ်မတော်(DKBA)မှ ကိုယ် စားလှယ်အဖွဲ့အား ဇွန် ၂၂ ရက်က နေပြည်တော် ၌တွေ့ဆုံ၍ စိုက်ပျိုးမွေးမြူရေးအခြေခံသည့် ဒေ သစီးပွားရေးဖွံ့ဖြိုးမှုအတွက်ဆွေးနွေးရာတွင် ပြောကြားခဲ့ခြင်းဖြစ်သည်။

ဈေးကွက်ဝင်ဈေးကောင်းရ တန်ဖိုးမြင့်သီးနှံများ ကျယ်ကျယ်ပြန့်ပြန့် စိုက်ပျိုးထုတ်လုပ်နိုင်ရန် လို အပ်သည့် နည်းပညာနှင့်အကူအညီများအား ဆောင်ရွက်ပေးသွားမည်ဖြစ်ကာ ငါးမွေးမြူရေးလုပ်ငန်းနှင့်တိရစ္ဆာန်မွေးမြူရေးလုပ်ငန်းများ အ တွက် နည်းပညာနှင့်လိုအပ်ချက်များကိုလည်း ကူ ညီပေးနိုင်ရန်ဆောင်ရွက်သွားမည်ဟု ပြောသည်။

“ပြောင်းဖူးစိုက်ပျိုးထုတ်လုပ်မှုအတွက် လိုအပ်တဲ့ အခြောက်ခံစနစ်၊သိုလှောင်ထိန်းသိမ်းနည်း၊ကုန် ချောထုတ်လုပ်နည်းပညာတွေ အသုံးပြုနိုင်ဖို့အ ပြင် စိတ်ဝင်စားသည့် ပြည်တွင်းပုဂ္ဂလိက ရင်းနှီး မြှုပ်နှံမှုတွေ လုပ်ဆောင်နိုင်ဖို့ကို ချိတ်ဆက်ကူညီပေးသွားပါမယ်”ဟု ပြည်ထောင်စုဝန်ကြီးကပြော သည်။

ထို့ပြင် ဒေသ၌စိုက်ပျိုးထုတ်လုပ်လျက်ရှိသည့် ရာသီသီးနှံနှင့်သစ်သီးဝလံများအပြင် မြေပြန့်ကော်ဖီနှင့်ကိုကိုးသီးနှံကဲ့သို့ နှစ်ရှည်သီးနှံများအား စီးပွားဖြစ်စိုက်ပျိုးလုပ်ကိုင်လိုပါက မြေယာအသုံးပြုခွင့်၊မျိုးရရှိရေးနှင့်နည်းပညာအကူအညီများပေးသွားမည်ဟု ပြောသည်။

ထို့နောက် ပြည်ထောင်စုဝန်ကြီးဦးတင်ထွဋ်ဦးမှ DKBA ကိုယ်စားလှယ်အဖွဲ့အား ဟင်းသီးဟင်း ရွက်မျိုးစေ့များနှင့်စိုက်ပျိုးရေးလုပ်ငန်းသုံး ကိရိ ယာများအား ပေးအပ်ခဲ့သည်။

အလားတူ အမြဲတမ်းအတွင်းဝန်ဦးကျော်မင်းဦးနှင့်ဦးစီးဌာနများမှ ညွှန်ကြားရေးမှူးချုပ်များမှ ဒေသဖွံ့ဖြိုးရေးနှင့်စိုက်ပျိုးမွေးမြူရေးလုပ်ငန်းများ တိုးချဲ့ဆောင်ရွက်ရာတွင် ဝန်ကြီးဌာနက ကူညီပေးနိုင်မည့် အခြေအနေများနှင့်ဒီမိုကရေစီအကျိုးပြုကရင်တပ်မတော်(DKBA)ကိုယ်စား လှယ်အဖွဲ့ဝင်များ၏ ဒေသလိုအပ်ချက်ဆွေးနွေးပြောကြားမှုများအား ဆွေးနွေးခဲ့ကြသည်။