ကမ္ဘာ့စားနပ်ရိက္ခာအကျပ်အတည်းသည် ရုရှားကြောင့်မဟုတ်ဟုသမ္မတပူတင်ပြော
ကမ္ဘာလုံးဆိုင်ရာ စားနပ်ရိက္ခာအခက်အခဲသည် ရုရှား – ယူကရိန်းအရေးကြောင့်မဟုတ်ပဲ ရုရှားမှဆန်တင်ပို့ခြင်းကို တားမြစ်ခဲ့သည့်အနောက်နိုင်ငံများကြောင့်သာဖြစ်သည်ဟု ရုရှားသမ္မတပူတင်က ဇွန် ၂၄ ရက် သောကြာနေ့ကဆိုသည်။
တရုတ်၊အိန္ဒိယ၊ဘရာဇီး နှင့် တောင်အာဖရိကအပါအဝင် နိုင်ငံပေါင်း ၁၇ နိုင်ငံ မှ ခေါင်းဆောင်များ ပါဝင်သည့် “BRICS Plus” အွန်လိုင်းထိပ်သီးဆွေးနွေးပွဲတွင် အစားအသောက်စျေးကွက်သည် အဆိုးရွားဆုံးအခြေနေဖြင့် ဟန်ချက်ပျက်နေကြောင်း ပူတင်ကပြောကြားခဲ့သည်။
ရုရှားနှင့်ဘီလာရုစ်တို့မှ ဓာတ်မြေသြဇာများ တင်ပို့ခြင်းအပေါ် ကန့်သတ်ခဲ့သည့်အနောက်နိုင်ငံများကြောင့်(အထူးသဖြင့်အမေရိကန်ပြည်ထောင်စု)
ကမ္ဘာ့စိုက်ပျိုးထုတ်လုပ်မှုကိုမတည်မငြိမ်ဖြစ်စေခြင်းနှင့် မော်စကိုမှ စပါးတင်ပို့ရန် ခက်ခဲခြင်း တို့ကိုဖြစ်စေသည်ဟုလည်းဆိုခဲ့သည်။
“စပါးကဲ့သို့သော လယ်ယာထွက်ကုန်များ၏ ဈေးနှုန်းမြင့်တက်လာမှုသည် အခက်ခဲနေသည့်ဖွံ့ ဖြိုးဆဲနိုင်ငံများကိုထိခိုက်စေရုံသာမက လူဦးရေအများစု အတွက် ဂျုံမှုန့်ကိုအဓိကအားထားနေရသည့် ဖွံ့ဖြိုးဆဲစျေးကွက်များကိုပါထိခိုက်စေသည်” ဟုလည်းသမ္မတကပြောသည်။
ထို့ပြင် ရုရှား၏ယူကရိန်းသို့ စစ်ရေးစတင်ချိန်မှစ၍ ယူကရိန်းဆိပ်ကမ်းများတွင် ပိတ်မိနေခဲ့သော စပါးများနှင့်ပတ်သက်၍လည်း ” ဒီလိုပိတ်ထားလိုက်ရုံနဲ့ ကမ္ဘာ့ဆန်ဈေးကွက်ရဲ့ ပြဿနာကိုဖြေရှင်းပေးနိုင်တာမှမဟုတ်တာ” ဟုပြောကာပြစ်တင်ဝေဖန်ခဲ့သည်။
ရုရှားသည် ကမ္ဘာ့စားနပ်ရိက္ခာဈေးကွက်တွင် အဓိကကျသော ဇာတ်ဆောင်တစ်ဦးဖြစ်ပြီး ၎င်း၏ စာချုပ်ပါဝတ္တရားများအားလုံးကိုအမှန်တကယ် ဖြည့်ဆည်းပေးရန် အသင့်ရှိကြောင်းလည်း ပူတင်ကပြောကြားခဲ့သည်။
ရုရှတပ်ဖွဲ့များက ဆိပ်ကမ်းမြို့ကိုစီးမိထားသော်လည်း ဂျုံတန်ချိန် သန်းပေါင်းများစွာသည် လက်ရှိတွင် ယူကရိန်းဆိပ်ကမ်းများ၌ ပိတ်မိနေဆဲဖြစ်သည်။ ရုရှားတပ်ဖွဲ့၏ သင်္ဘောများသည်လည်း ပင်လယ်နက်တွင်ချထားသော ရေမြှုပ်မိုင်းအန္တရာယ်နှင့်ရင်ဆိုင်နေရသည် ဟုဆိုသည်။
ဝါရှင်တန်နှင့်ဘရပ်ဆဲလ်တို့သည် မော်စကိုအား ပြင်းထန်သောပိတ်ဆို့အရေးယူမှုများဖြင့်ဒဏ်ခတ်ခဲ့မှုသည် ရုရှားသမ္မတပူတင်အတွက် စျေးကွက်သစ်များရှာဖွေရန်အာဖရိက၊အာရှနိုင်ငံများနှင့် ဆက်ဆံရေးကိုခိုင်မာအောင်ပြုလုပ်စေသည့် တွန်းအားဖြစ်လာစေခဲ့သည်။
Source – Aljerzeera
