ရန်ကုန်မြို့ရှိ ပြည်သူ့အဌားအိမ်ယာများအား MCEF နှင့် MLCA အသင်းချုပ်များမှတည် ဆောက်နေ
ပြည်သူ့အငှားအိမ်ရာတည်ဆောက်ရေးဦးစီးကော်မတီ၏ ၁၂ ကြိမ်မြောက်လုပ်ငန်းညှိနှိုင်းအ စည်းအဝေး၌ ပြည်သူ့အငှားအိမ်ရာတည် ဆောက်ရေးဦးစီးကော်မတီအဖွဲ့ဝင်၊ရန်ကုန်တိုင်းပြည်သူ့အငှားအိမ်ရာစီမံကိန်းကြီးကြပ်ရေးအဖွဲ့ ဥက္ကဋ္ဌ၊ရန်ကုန်မြို့တော်ဝန်ဦးဗိုလ်ဌေးမှပြောကြားခဲ့ခြင်းဖြစ်သည်။
“ပြည်သူ့အငှားအိမ်ရာစီမံကိန်း အကောင်အထည် ဖော်ရာမှာ စီမံကိန်းကြီးကြပ်ရေးအဖွဲ့တွေက ကြီး ကြပ်ဆောင်ရွက်ပေးသလို ကျွန်တော်ကိုယ်တိုင်လည်းလုပ်ငန်းခွင်ကို သွားရောက်တွန်းအားပေး ဆောင်ရွက်ခဲ့ပါတယ်”ဟု ရန်ကုန်မြို့တော်ဝန်ဦးဗိုလ်ဌေးကဆိုသည်။
ထို့ပြင် ပြည်သူ့အငှားအိမ်ရာစီမံကိန်း(ရန်ကုန်) အား မြန်မာနိုင်ငံဆောက်လုပ်ရေးဆိုင်ရာလုပ်ငန်းရှင်များအသင်းချုပ်(MCEF)မှတိုက် ၂၀ လုံးနှင့်မြန်မာနိုင်ငံလိုင်စင်ရကန်ထရိုက်တာအသင်းချုပ် (MLCA)မှ တိုက် ၂၀ လုံးတို့ကို ဆောက်လုပ်လျက်ရှိရာ ၂၀၂၂ ခုနှစ်၊ဇူလိုင်လကုန်၌ပြီးစီးမည်ဟုပြောသည်။
“အသင်းတစ်ခုစီက တိုက် ၉၇ လုံးစီဆောက်ရမှာဖြစ်တဲ့အတွက် ကျန်တဲ့တိုက် ၇၇ လုံးစီကိုလည်း၂၀၂၃ ခုနှစ်မတ်လကုန်မှာပြီးစီးဖို့တွန်းအားပေးဆောင်ရွက်နေပါတယ် ဒါ့အပြင် Infrastructure လုပ်ငန်းတွေကို ဆက်လက်ဆောင်ရွက်ခွင့်ပြုဖို့ကိစ္စကိုလည်း လုပ်ထုံးလုပ်နည်းနဲ့အညီ ဆောင်ရွက်ပေးကြစေလိုပါတယ်”ဟု မြို့တော်ဝန်ဦးဗိုလ်ဌေးကပြော သည်။
အလားတူ အခြေခံအဆောက်အအုံလုပ်ငန်းများအနက် ရေပေးဝေရေး ၈ လက်မ ပိုက်လိုင်းသည် စီမံကိန်းဝင်းအတွင်းသို့ သွယ်တန်းပြီးဖြစ်၍ လို အပ်ပါက အသုံးပြုနိုင်မည်ဖြစ်ကာ အိမ်ရာအ တွက် အများပြည်သူသယ်ယူပို့ဆောင်ရေးကဏ္ဍ၊ Bus Terminal အတွက် ၅ ဧကလျာထားပြီးဖြစ်၍ YRTC နှင့်ဆက်လက်ညှိနှိုင်းသွားမည်ဖြစ်ပြီး အိမ် ရာဝင်းများအတွက် Commercial Area အဖြစ် မြေနေရာ ၁ ဒသမ ၅ ဧကပေါ်တွင် City Mart ဖွင့်လှစ်နိုင်ရန် လုပ်ထုံးလုပ်နည်းနှင့်အညီဆောင်ရွက်ပေးသွားမည်ဟုသိရသည်။
မန္တလေးမြို့တွင် ပြည်သူ့အဌားအိမ်ယာစီမံကိန်းအား MDA အသင်းမှတည်ဆောက်နေခြင်းဖြစ်ကာ စီမံကိန်း Infrastructure လုပ်ငန်းများအား MDA အသင်းမှ ဆက်လက်ဆောင်ရွက်ခွင့်ပြုရမည်ဖြစ်ပြီး ဆောက်လုပ်ရေးသုံးပစ္စည်းများ အ လွယ်တကူ ဝယ်ယူ၍မရရှိနိုင်သဖြင့် စာချုပ်သက်တမ်းအား ဒုတိယအကြိမ်အဖြစ် ရန်ကုန်မြို့တွင် ၉ လ၊နေပြည်တော်တွင် ၁ လ၊မန္တလေးမြို့တွင် ၃ လအထိ တိုးမြှင့်ပေးထားမည်ဖြစ်သည်။
ပြည်သူ့အငှားအိမ်ရာ အိမ်ခန်းပေါင်း ၁၀၀၀၀ စီမံ ကိန်းပထမဆင့်အဖြစ် နေပြည်တော်တွင် တိုက် ၂၈ လုံး၊အခန်းပေါင်း ၄၄၈ ခန်း၊ ရန်ကုန်မြို့တွင် တိုက် ၁၉၄ လုံး၊အခန်းပေါင်း ၃၁၀၄ ခန်း၊မန္တလေးမြို့တွင် တိုက် ၉၁ လုံး၊ အခန်းပေါင်း ၁၄၅၆ ခန်း (စုစုပေါင်း တိုက် ၃၁၃ လုံး၊အခန်းပေါင်း ၅၀၀၈ ခန်း)အား အကောင်အထည်ဖော် တည်ဆောက်လျက်ရှိသည်။
ထိုသို့ ဆောက်လုပ်လျက်ရှိရာ နေပြည်တော်၌ အဆောက်အဦးလုပ်ငန်း ၉၄ ရာခိုင်နှုန်း၊Infrastructure လုပ်ငန်း ၆၅ ရာခိုင်နှုန်း၊ရန်ကုန်မြို့တွင် အဆောက်အဦးလုပ်ငန်း ၅၆ ရာခိုင်နှုန်း၊Infrastructure လုပ်ငန်း ၃၄ ရာခိုင်နှုန်း၊မန္တလေးမြို့တွင် အဆောက်အဦးလုပ်ငန်း ၈၈ ရာခိုင်နှုန်း၊Infrastructure လုပ်ငန်း ၈၈ ရာခိုင်နှုန်း ပြီးစီးပြီဖြစ်ကြောင်း သိရသည်။
ပြည်သူ့အဌားအိမ်ယာစီမံကိန်းများအား နိုင်ငံ့ဝန် ထမ်းများ၊အငြိမ်းစားဝန်ထမ်းများ၊ဝင်ငွေနည်း ပြည်သူများ စိတ်အေးချမ်းသာစွာနေထိုင်နိုင်ရန် ရည်ရွယ်၍ ရန်ကုန်၊နေပြည်တော်နှင့်မန္တလေးမြို့တို့၌ အကောင်အထည်ဖော်ဆောင်ရွက်လျက်ရှိသည်။
