ဖွဲ့စည်းပုံအခြေခံဥပဒေနှင့်ဥပဒေမူဘောင်များအောက်၌ မြန်မာနိုင်ငံ၏ နိုင်ငံရေးပြန်လည်သင့် မြတ်ရန် စဉ်ဆက်မပြတ်တွန်းအားပေးဖော်ဆောင်ရေးအား တရုတ်နှင့်အာဆီယံ ပူးတွဲလုပ်ဆောင်ရန်မျှော်လင့်ဟု မစ္စတာဝမ်ယိပြော
တရုတ်နိုင်ငံ၊နိုင်ငံတော်ကောင်စီဝင်နှင့်နိုင်ငံခြား ရေးဝန်ကြီးမစ္စတာဝမ်ယိနှင့်အာဆီယံအလှည့်ကျ ဥက္ကဋ္ဌ၏ မြန်မာနိုင်ငံဆိုင်ရာအထူးကိုယ်စားလှယ် ၊ကမ္ဘောဒီးယားနိုင်ငံ ဒု-ဝန်ကြီးချုပ်၊နိုင်ငံခြားရေးနှင့်အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီး မစ္စတာပရပ်ဆုတ်ခွန်းတို့သည် ဇူလိုင် ၃ ရက်က မြန်မာနိုင်ငံ၊ပုဂံမြို့တွင်တွေ့ဆုံရာ၌ တ ရုတ်နိုင်ငံခြားရေးဝန်ကြီးမစ္စတာဝမ်ယိကပြောကြားခဲ့ခြင်းဖြစ်သည်။
မြန်မာနိုင်ငံမှ အိမ်ရှင်အဖြစ်လက်ခံကျင်းပသည့် ၇ ကြိမ်မြောက် မဲခေါင်-လန်ချန်း နိုင်ငံခြားရေးဝန်ကြီးများအစည်းအဝေးကာလအတွင်း၌ သီး ခြားတွေ့ဆုံရာတွင် မြန်မာနိုင်ငံအရေးကိစ္စနှင့်ပတ် သက်၍ ဆွေးနွေးခဲ့ကြခြင်းဖြစ်သည်။
တရုတ်နိုင်ငံခြားရေးဝန်ကြီးမစ္စတာဝမ်ယိမှဖွဲ့ စည်းပုံအခြေခံဥပဒေနှင့်ဥပဒေမူဘောင်များအောက်၌ မြန်မာနိုင်ငံ၏ နိုင်ငံရေးပြန်လည်သင့် မြတ်ရေးအား စဉ်ဆက်မပြတ်တွန်းအားပေးဖော်ဆောင်ရန် တရုတ်နှင့်အာဆီယံ ပူးတွဲလုပ်ဆောင်ရန်မျှော်လင့်သည်ဟု ပြောသည်။
ထို့ပြင် မြန်မာနိုင်ငံရှိအဖွဲ့အစည်းအသီးသီးမှ နိုင်ငံ၏အခင်းအကျင်းနှင့်ပြည်သူလူထုအကျိုးစီးပွားအားအလေးထားပြီး ဆင်ခြင်တုံတရားနှင့်လက်တွေ့ကျမှု၊အပြန်အလှန်နားလည်သည်းခံမှုများဖြင့် ဘက်ပေါင်းစုံကျိုးကြောင်းဆီလျော်သည့် တောင်းဆိုချက်များကို ထည့်သွင်းစဉ်းစားကာ တည်ငြိမ်အေးချမ်းရေးကို ဆောလျင်စွာဖော်ဆောင်ကြရန်အားပေးသည်ဟု ဆွေးနွေးပြောကြားခဲ့သည်။
အလားတူ မြန်မာနိုင်ငံ၏ ဒီမိုကရေစီအသွင်ကူး ပြောင်းရေးလုပ်ငန်းစဉ် ပြန်လည်စတင်ပြီး တိုင်း ပြည်အာဏာအား ပြည်သူများထံပြန်လည်အပ် နှင်းရေးမျှော်မှန်းချက် အကောင်အထည်ဖော်ရန် တရုတ်နှင့်အာဆီယံ အတူတွန်းအားပေးကာ မြန် မာနိုင်ငံအခြေအနေနှင့်ကိုက်ညီသည့် မြန်မာ့ဝိသေ သလက္ခဏာဆောင်သော နိုင်ငံရေးဖွံ့ဖြိုးတိုးတက် မှုလမ်းကြောင်းကို ရှာဖွေနိုင်ရန် မျှော်လင့်သည်ဟု ပြောသည်။
ထို့ပြင် အာဆီယံမှ“အာဆီယံနည်းလမ်း”အား လက်ကိုင်စွဲ၍ ပြည်တွင်းရေးဝင်ရောက်စွက်ဖက်မှုမရှိရေး၊ပေါင်းစပ်ညှိနှိုင်းရေးဟူသည့် အခြေခံမူနှင့်အစဉ်အလာများကိုခိုင်မြဲစေကာ တည်တည် ငြိမ်ငြိမ်နှင့်နှောင့်ယှက်မှုများအားဖယ်ရှား၍ စိတ် ရှည်လက်ရှည်ညှိနှိုင်းခြင်းဖြင့် အာဆီယံ၏ “တူညီဆန္ဒငါးရပ်”(five-point consensue)ကို အပြုသ ဘောဆောင်စွာ အကောင်အထည်ဖော်ရင်း အာဆီယံ၏ပြီးပြည့်စုံသည့် စည်းလုံးညီ ညွတ်မှုနှင့်ဦး ဆောင်မှုအခန်းကဏ္ဍကို ထိန်းသိမ်းရန်မျှော်လင့် သည်ဟု တရုတ်နိုင်ငံခြားရေးဝန်ကြီး မစ္စတာဝမ်ယိကဆွေးနွေးပြောကြားခဲ့သည်။
Photo -Ministry of Foreign Affairs and International Cooperation – Cambodia
