၂၀၂၂ ခုနှစ် တက္ကသိုလ်ဝင်စာမေးပွဲတွင် တစ်နိုင်ငံလုံးအမှတ်အများဆုံးဖြင့်အောင်မြင်ခဲ့သူ ၃၃ ဦး ထိုင်းနိုင်ငံသို့ လေ့လာရေးခရီးသွားရောက်
၂၀၂၂ ခုနှစ်တက္ကသိုလ်ဝင်စာမေးပွဲတွင် မြန်မာတစ်နိုင်ငံလုံးအမှတ်အများဆုံးဖြင့်အောင်မြင်ခဲ့ကြသည့် ကျောင်းသား၊ကျောင်းသူ ၃၃ ဦးသည် ကြီးကြပ်သူ ဆရာ၊ဆရာမများနှင့်အတူ ဇူလိုင် ၄ ရက်နံနက်ပိုင်းက ထိုင်းနိုင်ငံသို့လေ့လာရေးခရီးသွားရောက်ခဲ့ကြသည်။
နစက ဥက္ကဋ္ဌ၏လမ်းညွှန်ချက်အရ ဝိဇ္ဇာဘာသာတွဲ၊ဝိပ္ပံဘာသာတွဲနှင့်သိပ္ပံဘာသာတွဲများတွင် အမှတ်အများဆုံးရရှိခဲ့သူများအား ဂုဏ်ပြုသည့်အနေဖြင့် ပညာရေးဝန်ကြီးဌာနမှ ပြည်ပနိုင်ငံ အတွေ့အကြုံကောင်းများရရှိရေး၊နိုင်ငံချစ်စိတ်၊မျိုးချစ်စိတ်ရှင်သန်ထက်မြက်စေရေးအတွက် ထိုင်းနိုင်ငံသို့လေ့လာရေးခရီးစေလွှတ်ခဲ့ခြင်းဖြစ်ကာ ထိုင်းနိုင်ငံဘန်ကောက်မြို့ရှိ မြန်မာသံရုံးမှတာဝန်ရှိသူများက သုဝဏ္ဏဘူမိလေဆိပ်၌ ကြိုဆိုခဲ့ကြသည်။
ထို့နောက် လေ့လာရေးခရီးလာရောက်သည့် ကျောင်းသား၊ကျောင်းသူများသည် မြဘုရားသို့သွားရောက်ဖူးမြော်ပြီး ထိုင်းနိုင်ငံဆိုင်ရာ မြန်မာသံရုံးသို့သွားရောက်ရာ မြန်မာသံအမတ်ကြီး ဦးချစ်ဆွေနှင့်တာဝန်ရှိသူများက ကြိုဆိုနှုတ်ဆက်ခဲ့ကြသည်။
ထို့နောက် သံအမတ်ကြီးမှ လေ့လာရေးခရီးစဉ်နှင့်ပတ်သက်၍ ရှင်းလင်းပြောကြားပြီး ထူးချွန်ကျောင်းသား၊ကျောင်းသူများ လေ့လာရေးအဖွဲ့အား နေ့လယ်စာဖြင့် တည်ခင်းဧည့်ခံခဲ့သည်။
ထို့ပြင် ထူးချွန်ကျောင်းသား၊ကျောင်းသူများအဖွဲ့သည် Siam Paragon ရှိ Siam Ocean World နှင့် Madame Tussauds Museum သို့သွားရောက်လေ့လာကာ ပြတိုက်၌ စုပေါင်းဓာတ်ပုံရိုက်ကြသည်။
ထို့နောက် Holiday Inn Hotel သို့ရောက်ရှိ၍အနား ယူပြီးနောက် Asiatique သို့သွားရောက်လည်ပတ် ၍ Chao Phraya River Cruise စီး၍မြစ် ကြောင်းတစ်လျှောက်ကြည့်ရှုကြသည်။
အလားတူ ထူးချွန်ကျောင်းသား၊ကျောင်းသူများ လေ့လာရေးအဖွဲ့သည် ဇူလိုင် ၅ ရက်တွင် ထိုင်းနိုင်ငံရှိ ASSUMPTION University သို့သွားရောက်လေ့လာကာ ပတ္တရားကမ်းခြေသို့ ဆက်လက်သွားရောက်ပြီး ပတ္တရားကမ်းခြေ၌ အပန်းဖြေခဲ့ကြသည်။
ထို့နောက် ပတ္တယားရေပေါ်ဈေးနှင့်တောင်ပေါ်ဘုရားများသို့ သွားရောက်လေ့လာခဲ့ပြီးနောက် ဘန်ကောက်မြို့ရှိ Baiyoke Tower ပေါ်၌ ဘန် ကောက်မြို့၏ ညရှုခင်းအားကြည့်ရှုခဲ့ကြသည်။