အောင်လအန်ဆန်နှင့် နပန်းကမ္ဘာ့ချန်ပီယံဟောင်း အန်ဒရေဂါဗယ်အိုတို့ အထူးပွဲစဉ် ယှဉ်ပြိုင်ထိုးသတ်မည်
MMA ချန်ပီယံဟောင်း အောင်လအန်ဆန်နှင့် နပန်းကမ္ဘာ့ချန်ပီယံဟောင်း ဘရာဇီးနိုင်ငံသား အန်ဒရေဂါဗယ်အိုတို့ အထူးပွဲစဉ်အဖြစ် ယှဉ်ပြိုင်ထိုးသတ်မည်ဖြစ်ကြောင်း သိရသည်။
အောင်လအန်ဆန်နှင့် အန်ဒရေဂါဗယ်အိုတို့ ထိုးသတ်မည့်အထူးပွဲစဉ်ကို MMA စည်းမျဉ်းနှင့် နပန်းစည်းမျဉ်းများဖြင့်ထိုးသတ်သွားမည်ဖြစ်ကြောင်း သိရသည်။
အောင်လအန်ဆန်သည် နယ်သာလန်နိုင်ငံသား ဒီရစ်သာနှင့် မစ်ဒယ်ဝိတ်တန်းနှင့် လိုက်ဟဲဗီးဝိတ်တန်း စိန်ခေါ်ပွဲ (၂) ပွဲ ထိုးသတ်ခဲ့ရာတွင် (၂) ပွဲစလုံး အရေးနိမ့်ခဲ့သည့် အတွက် ချန်ပီယံခါးပတ်များ စွန့်လွှတ်ထားရသူဖြစ် သည်။
ယခုပွဲစဉ်သည် ၂၀၂၂ ခုနှစ် ဖေဖေါ်ဝါရီလက ဗစ်ဒါလီဘစ်ဒက်နှင့် မစ်ဒယ်ဝိတ်တန်း စိန်ခေါ်ပွဲ ထိုးသတ်ပြီး နောက်ပိုင်း ပထမဆုံးအကြိမ် ပြန်လည်ထိုးသတ်မည့် အောင်လအန်ဆန်၏ ပွဲစဉ်တစ်ခုလည်း ဖြစ်သည်။
ယင်းပွဲကို လေးချီပြုလုပ်မည်ဖြစ်ပြီးပထမနှင့် တတိယအချီတွင် MMA စည်းမျဉ်း၊ ဒုတိယနှင့် စတုတ္ထအချီတွင် နပန်းစည်းမျဉ်းများဖြင့် ထိုးသတ်ရမည်ဖြစ်ကြောင်းနှင့် ကျင်းပမည့်ရက်အားထပ်မံထုတ်ပြန်ပေးမည်ဖြစ်
ကြောင်း သိရသည်။
