နိုင်ငံတကာအလယ်တွင် မြန်မာနိုင်ငံအလံလွှင့်ပြီး နိုင်ငံ တော် ဂုဏ်သိက္ခာ မြှင့်တင်ကြရန် မြန်မာကိုယ်စားပြု တက္ကသိုလ်အားကစား သမားအဖွဲ့ကို ဒုတပ်ချုပ်မှာကြား
နိုင်ငံတကာအလယ်တွင် အမိနိုင်ငံ၏ အလံတော်လွှင့်ထူဂုဏ်ပြုခံရခြင်းမျိုးကို လိုလားတောင့်တ၍ နိုင်ငံတော်၏ ဂုဏ်သိက္ခာအားမြှင့်တင်ကြရန် အာစီယံ တက္ကသိုလ်များ အားကစားပြိုင်ပွဲတွင် သွားရောက်ယှဥ်ပြိုင်မည့် မြန်မာ နိုင်ငံ ကိုယ်စားပြုအဖွဲ့အား နစက ဒုဥက္ကဋ္ဌ ဒုတိယ ဗိုလ် ချုပ်မှူးကြီး စိုးဝင်းက မှာကြားလိုက်သည်။
နစက ဒု-ဥက္ကဋ္ဌ၊ဒု-ဗိုလ်ချုပ်မှူးကြီးစိုးဝင်းမှ ဇူလိုင် ၂၀ ရက်ကပြုလုပ်သည့် အကြိမ်(၂၀)မြောက် အာစီယံတက္ကသိုလ်များအားကစားပြိုင်ပွဲတွင် သွားရောက်ယှဥ်ပြိုင်မည့် မြန်မာနိုင်ငံကိုယ်စားပြု တက္ကသိုလ်အားကစားအဖွဲ့အား အောင်နိုင်ရေးအလံအပ်နှင်းခြင်းအခမ်းအနား၌ တိုက်တွန်းပြောကြားခဲ့ခြင်းဖြစ်သည်။
အကြိမ်(၂၀)မြောက် အာဆီယံတက္ကသိုလ်များ အားကစားပြိုင်ပွဲ၌ သွားရောက်ယှဉ်ပြိုင်မည့် မြန်မာ့တက္ကသိုလ်ကျောင်းသား၊ကျောင်းသူများအနေ ဖြင့် ခေတ်အဆက်ဆက်အောင်မြင်ကျော်ကြားခဲ့သည့် တက္ကသိုလ်အားကစား၏ ကောင်းမွန်သည့်သမိုင်းအမွေအား ထိန်းသိမ်းမြှင့်တင်ပေးနိုင်လိမ့် မည်ကို ယုံကြည်သည်ဟု ပြောသည်။
“အကြိမ် (၂၀)မြောက် အာဆီယံတက္ကသိုလ်များ အားကစားပြိုင်ပွဲမှာ မြန်မာနိုင်ငံကိုယ်စားပြုတ က္ကသိုလ်အားကစားသမား ၃၃ ယောက်က ဘော လုံး၊မြားပစ်၊ပိုက်ကျော်ခြင်းနဲ့ဝူရှူး အားကစားနည်း ၄ မျိုးမှာ ပါဝင်ယှဉ်ပြိုင်ကြမှာပါ”ဟု နစက ဒု-ဥက္ကဋ္ဌကပြောသည်။
အဆိုပါ အားကစားပြိုင်ပွဲအတွက် သတ်မှတ်စံ ချိန်စံညွှန်းများနှင့်ကိုက်ညီသည့် အားကစားသ မားများအား တက္ကသိုလ်များမှရွေးချယ်ဝင်ရောက်ယှဉ်ပြိုင်ခွင့်ပြုထားခြင်းဖြစ်၍ နည်းစနစ်ပိုင်နိုင်ကျွမ်းကျင်မှု၊အားကစားစွမ်းဆောင်ရည် မြင့်မားမှု၊စံချိန်စံညွှန်းကောင်းမွန်မှု အရည်အ သွေးများ ပြည့်ဝခိုင်မာစွာဖြင့် ပြိုင်ပွဲဝင်ရန် အ သင့်ဖြစ်နေပြီကို ယုံကြည်သည်ဟုပြောသည်။
“အားကစားအောင်မြင်မှုတွေဟာ နိုင်ငံတော်ရဲ့ ဂုဏ်သိက္ခာကို မြှင့်တင်နိုင်တဲ့အတွက် ပြိုင်ပွဲတိုင်းအနိုင်ရရှိဖို့ကို အမျိုးသားရေးတာဝန်တစ်ရပ်အ ဖြစ်ခံယူပြီး တက္ကသိုလ်အားကစားအဖွဲ့ဝင်တွေရဲ့ပခုံးထက်မှာထမ်းဆောင်ထားကြရမှာဖြစ်ပါတယ်”ဟု နစက ဒု-ဥက္ကဋ္ဌကပြောသည်။
အလားတူ “ပွဲမဝင်ခင်အပြင်ကကျင်းပ” ဆိုသည့် စကားနှင့်အညီ တက္ကသိုလ်ကျောင်းသားအားက စားသမားများအနေဖြင့် ဇွဲ၊လုံ့လ၊ဝီရိယအပြည့်ဖြင့် ပြင်းပြင်းထန်ထန် လေ့ကျင့်ပြင်ဆင်ပြီးဖြစ် ၍ မိမိတို့၏ ကြိုးစားအားထုတ်မှုများကို တက္က သိုလ်အားကစား သမိုင်းတွင် မှတ်တမ်းတင်နိုင်ရန် တက်ညီလက်ညီကြိုးစားယှဉ်ပြိုင်သွားစေလိုသည်ဟု ပြောသည်။
“နိုင်ငံတကာအလယ်မှာ အမိနိုင်ငံရဲ့အလံတော်လွှင့်ထူဂုဏ်ပြုခံရတာကို နိုင်ငံသားတိုင်းက လို လားတောင့်တကြတဲ့အတွက် အားသွန်ခွန်စိုက် ကြိုးစားကြဖို့ တိုက်တွန်းလိုပါတယ်”ဟု နစက ဒု-ဥက္ကဋ္ဌကပြောသည်။
ထို့ပြင် အားကစားပြိုင်ပွဲများ၌ ကျွမ်းကျင်မှု၊အ တွေ့အကြုံနှင့်အလေ့အကျင့်တို့အား စဉ်းစားဆင် ခြင်ဉာဏ်၊လျှပ်တပြတ်ဖြတ်ထိုးဉာဏ်၊မှန်ကန်သည့်အယူအဆ မှန်ကန်မြန်ဆန်သည့် ဆုံးဖြတ် ချက်တို့ဖြင့် ပေါင်းစပ်အသုံးချယှဉ်ပြိုင်ပါက အောင်ပွဲဆင်နိုင်မည်ဟုပြောသည်။
