ထိုင်း ဆိုက်ရောက်ဗီဇာကို တလခန့်တိုးရန် TAT က အဆိုပြုမည်
TAT(Tourism Authority of Thailand) က ထိုင်း အစိုးရအား ခရီးသွားဗီဇာကို ရက် ၃၀ ကနေ ၄၅ ရက်အထိ တိုးမြှင့်ပေးနိုင်ရန် အဆိုပြုမည်ဟုသိရသည်။
ထိုင်းခရီးသွားလုပ်ငန်းအာဏာပိုင် Yuthasak Supasorn က တနင်္လာနေ့ကထိုသို့ပြောကြားရာမှာနိုင်ငံတကာ ခရီးသည်များကို ဆွဲဆောင်ရန်အတွက်ဖြစ်ပြီး ၄၅ ရက်ထိတိုးလိုက်ပါက ခရီးသွားလုပ်ငန်းမှ ဝင်ငွေပိုရလာနိုင်မည်ဆိုသည်။
ဩဂုတ် ၁၉ ရက်၌ COVID-19 Situation Administration Centre တွင်ယင်းအဆိုပြုလွှာကိုတင်သွင်းမည်ဖြစ်ကြောင်း ယုသဆက်က ပြောကြားခဲ့သည်။
ထို့ပြင် ဩဂုတ်လ ၈ ရက်နေ့ကထိုင်းနိုင်ငံခရီးသွားလုပ်ငန်းအာဏာပိုင်အဖွဲ့ (TAT) နှင့် ဟွာဝေး Huawei Technologies (Thailand) Co., Ltd. တို့သည် “စမတ်ခရီးသွားလုပ်ငန်းအတွက် Digital Transformation and Innovation Development” နားလည်မှုစာချွန်လွှာ (MOU) ကို လက်မှတ်ရေးထိုးခဲ့ကြသည်။ စမတ်ဒစ်ဂျစ်တယ်ခရီးသွားလုပ်ငန်းပလက်ဖောင်းနှင့် ခရီးသွားဂေဟစနစ်အသစ်ကို ဖွံ့ဖြိုးတိုးတက်စေရန် 5G၊ Cloud၊ AI နှင့် AR/VR အပါအဝင် အဆင့်မြင့်နည်းပညာများဖြင့် ခရီးသွားလုပ်ငန်းကို ဆောင်ရွက်သွားမည်ဆိုသည်။
Ref: Khaosod/ tatnews.com
