နိုင်ငံအတွက်အမှန်တကယ်အကျိုးရှိမည့် ပြည် တွင်းပြည်ပရင်းနှီးမြှုပ်နှံမှုများကို ဖိတ်ခေါ်ပြီးအားပေးဆောင်ရွက်ရမည်ဟု နစက ဥက္ကဌပြော
နစက ဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်မှ သြဂုတ် ၂၂ ရက်က နေ ပြည်တော်၌ပြုလုပ်သည့် ပြည်ထောင်စုအစိုးရအ ဖွဲ့အစည်းအဝေး(၆/၂၀၂၂)သို့ တက်ရောက်၍ အမှာစကားပြောကြားရာ၌ ထည့်သွင်းပြောကြားခဲ့ခြင်းဖြစ်သည်။
“ကိုဗစ်(၁၉)ရောဂါဖြစ်ပွားလို့ စီးပွားရေးကျဆင်းမှုတွေဖြစ်ပေါ်ခဲ့တာကြောင့် စီးပွားရေးပြန် လည် အားကောင်းအောင် ဆောင်ရွက်ပေးဖို့လိုပါတယ်”ဟု နစက ဥက္ကဋ္ဌကပြောသည်။
စီးပွားရေးတွင် ထုတ်လုပ်မှု၊ကုန်သွယ်မှု၊ဘဏ္ဍာ ရေးစနစ်နှင့်ဘဏ်စနစ်များကောင်းမွန်ရန်လိုကာ ကုန်ထုတ်လုပ်မှုရှိမှသာ ကုန်သွယ်မှုများဆောင် ရွက်နိုင်မည်ဖြစ်ပြီး လုပ်အားခများလည်းရရှိမည်ဖြစ်ကာ ငွေကြေးလည်ပတ်မှုများရှိလာမည်ဟု ပြောသည်။
ထို့ကြောင့် လုပ်ငန်းများ မှန်မှန်ကန်ကန်လည်ပတ် နိုင်စေရန် ဘဏ္ဍာရေးစနစ်များ မှန်ကန်ရန်လို၍ မိမိတို့စတင်တာဝန်ယူချိန်တွင် ဘဏ်စနစ်များ ပြိုလဲမှုမရှိစေရန် ထိန်းသိမ်းဆောင်ရွက်ခဲ့ပြီး ဘဏ်များအပေါ် ပြည်သူများယုံကြည်မှုရှိရန်လိုအပ်သည်ဟု ပြောသည်။
ထို့ပြင် ကိုဗစ်ရောဂါကာကွယ်ရေးနှင့်ပတ်သက်၍ အသုံးပြုရန် ၂၀၂၀ ပြည့်နှစ်မှစတင်စုဆောင်းခဲ့သည့် ငွေကျပ်ဘီလီယံပေါင်း ၄၀၀ ကျော်ခန့်ရှိကာ ကိုဗစ်ရောဂါ ကုသရေး၊ကာကွယ်ရေးတို့အတွက် အသုံးစရိတ်များပေးအပ်ခဲ့သည်ဟု ပြောသည်။
အဆိုပါ ရန်ပုံငွေသည် နိုင်ငံတော်က ပေးရသည့်ငွေဖြစ်၍ မပျောက်ပျက်ရန်လိုအပ်ပြီး ယင်းငွေ ကြေးများ မပျောက်ပျက်သွားရန် ငွေကြေးများပြန်လည်ဝင်ရောက်ရန် အစိုးရသို့ တိုက်ရိုက်ဝင်တာရှိသည်ဟု ပြောသည်။
ထို့ကြောင့် စိုက်ပျိုးရေးဖြင့်လုပ်သည့် နိုင်ငံတော်အားပြန်၍ အထောက်အကူရမည့်လုပ်ငန်းဖြစ်သော နွေစပါးနှင့်ပဲတီစိမ်း နှစ်မျိုးအားဆောင်ရွက် ခြင်းဖြစ်ကာ တိုင်းနှင့်ပြည်နယ်အကုန်လုံး အ ထောက်အကူရသည်ဟု ပြောသည်။
“ပြည်နယ်နဲ့တိုင်းတွေ တင်ပြချက်မှာတော့ ပြည် နယ်နဲ့တိုင်းအားလုံးနီးပါးလောက် တိုင်းအားလုံးပေါ့ တိုင်းကြီးတွေ အားလုံးလောက် ဒါအကုန်လုံး အထောက်အကူရတာကို တွေ့တယ် အနည်းနဲ့အများတော့ ကွာပါလိမ့်မယ် တိုင်းကြီးတွေ အား လုံးက အထောက်အကူရတယ် ကိုယ်ပိုင်အုပ်ချုပ်ခွင့်ဒေသတွေကိုလည်း ပေးလိုက်တယ်”ဟု နစက ဥက္ကဋ္ဌကပြောသည်။
အဆိုပါ ရရှိသည့် ရန်ပုံငွေများဖြင့် တောင်သူများ ၏ ဘဝမြှင့်တင်ရေးအား များစွာအထောက်အကူပြုသော လယ်ယာစိုက်ပျိုးရေးဝန်ကြီးဌာနနှင့်သမဝါယမဝန်ကြီးဌာနတို့မှ အကောင်အထည် ဖော်သည့် မြစိမ်းရောင်လုပ်ငန်း ပြုလုပ်ရန်ဖြစ်သည်ဟု ပြောသည်။
အလားတူ ကုန်ပစ္စည်းများထုတ်လုပ်နိုင်ရန် အ သေးစား၊အလတ်စား စီးပွားရေးလုပ်ငန်း(SME) များကိုလည်း အားပေးသွားမည်ဖြစ်ကာ ဆန် စက်၊ဆီစက်နှင့်ပဲခွဲစက် လုပ်ငန်းများကိုလည်း အားပေးဆောင်ရွက်သွားမည်ဟုပြောသည်။
“အဲဒီလုပ်ငန်းတွေ ဖွံ့ဖြိုးတိုးတက်အောင်ဆောင် ရွက်တဲ့အတွက် လုပ်ငန်းတွေနဲ့ဆက်စပ်နေတဲ့ တောင်သူတွေ အလုပ်အကိုင်ဆောင်ရွက်ကြသူတွေလည်း လူမှုစီးပွားဘဝတိုးတက်လာမှာဖြစ်ပါတယ်”ဟု နစက ဥက္ကဋ္ဌကပြောသည်။
အလားတူ မြို့ပေါ်နေပြည်သူများ အလုပ်အကိုင်ရရှိရန် ပြည်တွင်းပြည်ပရင်းနှီးမြှုပ်နှံမှုများအား ဖိတ်ခေါ်ဆောင်ရွက်ရန် သက်ဆိုင်ရာဝန်ကြီးဌာနက ဆောင်ရွက်ရန်လိုပြီး နိုင်ငံအတွက် အမှန်တ ကယ် အကျိုးရှိမည့်ရင်းနှီးမြှုပ်နှံမှုများကို အား ပေးဆောင်ရွက်သွားရမည်ဟု ပြောသည်။
