ရိုးရာအတတ်ပညာနှင့် e-commerse ပေါင်းစပ်ကာ နိုင်ငံခြားဝင်ငွေရှာနိုင်သည့် ဌက်လှောင်အိမ် လက်မူပညာ
တရုတ်နိုင်ငံ Shandong ပြည်နယ် Qingdao ရှိ Da’ou ရွာ၏ အိမ်အဝင်ဝတိုင်းတွင် ငှက်လှောင်အိမ်များ ရှိလေ့ရှိသည်။
၂၀၀၉ခုနှစ်က ယဉ်ကျေးမှုအမွေအနှစ်ပစ္စည်းအဖြစ်ထို ငှက်လှောင်အိမ်လက်မှုပညာကို စာရင်းသွင်းခဲ့ကြသည်။
တရုတ်နိုင်ငံ Jimoမြို့၊ Da’ou ခရိုင်ရှိ ဒေသခံရွာသားများအကြား မျိုးဆက်တစ်ခုမှ တစ်ခုသို့ နှစ်ပေါင်း ၅၀၀ ကျော်ကြာ လွှဲပြောင်းပေးခဲ့သည့်လက်မူအတတ်ပညာလည်းဖြစ်သည်။
ယခုကာလတွင် ကျေးရွာရှိ အိမ်ထောင်စု ၄၆၀ တွင် ၃၂၀ ကျော်၏ အသက်မွေးဝမ်းကြောင်းကိုထိုအတတ်ပညာဖြင့် ထောက်ပံ့ပေးနေပြီဖြစ်သည်။ ငှက်လှောင်အိမ်များကို ကိုယ်တိုင်မပြုလုပ်သူများအနေဖြင့်လည်း ဆက်စပ်စီးပွားရေးလုပ်ငန်းများတွင် အများစုပါဝင်ကြသည်။
ရိုးရာငှက်လှောင်အိမ်တစ်ခုသည် သစ်သားနှင့်ဝါးကိုအသုံးပြုအလှဆင်ခြင်း၊အချောသပ်ခြင်းအထိ မတူညီသောနည်းပညာပေါင်း ၁၀၀ ကျော်ကို အသုံးပြုလေ့ရှိကြောင်း ဌက်အိမ်လက်မူပညာရှင် Wu က ပြောသည်။
ပြည်တွင်းသာမကပြည်ပဈေးကွက်အတွက်လည်း ငှက်လှောင်အိမ်ပေါင်း ၆သိန်းကျော်ကို ထုတ်လုပ်လျက်ရှိသည့် အဆိုပါလုပ်ငန်းသည် နှစ်စဉ်ထွက်ကုန်တန်ဖိုး ယွမ် သန်း ၂၀ (ဒေါ်လာ ၂.၉၈ သန်း) ကျော်ကို ဖန်တီးပေးနေသည်။
“ရိုးရာအတတ်ပညာကို အမွေဆက်ခံခြင်းအားဖြင့် ကျွန်တော်တို့ ဝင်ငွေရခဲ့တယ်၊ ဒါပေမယ့် ပိုအရေးကြီးတာက တရုတ်နိုင်ငံရဲ့ ယဉ်ကျေးမှုကို ပြန့်ပွားအောင် လုပ်ဆောင်နေပါတယ်” လို့ Wu က ဆိုပါတယ်။
၂၀၁၉ ခုနှစ်ထဲက ဒေသန္တရအစိုးရသကရွာသားများအား ၎င်းတို့၏ ထုတ်ကုန်များကို အွန်လိုင်းတွင်ပြသရောင်းချနိုင်ရန်အတွက် ကျေးလက် e-commerce ဝန်ဆောင်မှုစင်တာတစ်ခုကို ယွမ် ၁.၂ သန်း ရင်းနှီးမြှုပ်နှံတည်ထောင်ပေးထားသည်။
“အရင်တုန်းကတော့ ဖောက်သည်အသစ်တွေကို မိတ်ဆက်ပေးဖို့ အဟောင်းတွေကို မှီခိုခဲ့ရတယ်။ အခု e-commerce ပလက်ဖောင်းတွေကြောင့် ကမ္ဘာတစ်ဝှမ်းက သုံးစွဲသူတွေဟာ သူတို့ရဲ့ စမတ်ဖုန်းတွေကနေ ကလစ်တစ်ချက်နှိပ်ရုံနဲ့ အမှာစာတွေပို့နိုင်မှာပါ” ဟု ကျေးရွာပါတီအတွင်းရေးမှူး Wu Xitong က ပြောကြားခဲ့သည်။
Source: China Daily