စက်သုံးဆီ စျေးနှုန်း တစ်လီတာလျင် ၂၆၀၀ နားကပ်လာ၊ အငှားယာဉ်မောင်းနှင်သူများ အခက်ကြုံလာ

စက်သုံးဆီ စျေးနှုန်း တစ်လီတာလျင် ၂၆၀၀ နားကပ်လာ၊ အငှားယာဉ်မောင်းနှင်သူများ အခက်ကြုံလာ

စက်သုံးဆီစျေးနှုန်းများ သြဂုတ် ၃၀ ရက်(ယနေ့) တွင်ထပ်မံတက်လာသဖြင့် ရန်ကုန်တိုင်းအတွင်း 92 Ron တစ်လီတာလျင် ၂၅၇၀ ကျပ်ဖြစ်လာခဲ့သည်ကို စက်သုံးဆီတင်သွင်းသို လှောင်ဖြန့်ဖြူခြင်းလုပ် ငန်းကြီးကြပ်ရေးကော်မတီမှထုတ်ပြန်သည့် ရည် ညွှန်းလက်လီစျေးနှုန်းများအရ သိရသည်။

အလားတူ ပဲခူးတိုင်းတွင်လည်း 92 Ron တစ်လီတာလျင် ၂၅၈၀ ကျပ်ဖြစ်ပေါ်လျက်ရှိသည်ဟု သိရသည်။

မန္တလေး၊နေပြည်တော်၊မကွေး၊ထားဝယ်၊မုံရွာ၊ပုသိမ်၊မြစ်ကြီးနား၊ဘားအံ၊မော်လမြိုင်၊လားရှိုး၊တောင်ကြီး၊လွိုင်ကော်တို့တွင်လည်း 92 Ron တစ်လီတာလျင် ၂၆၀၀ ကျပ်ကျော်ရှိကြောင်း သိရသည်။

ထို့အတူ စစ်တွေ တွင် ၂၇၀၀ ကျော်၊ဟားခါးတွင် ၂၈၀၀ ကျပ်ကျော်နှင့် ကျိုင်းတုံတွင် ၃၀၀၀ ကျပ်ကျော်ရှိကြော င်း သိရသည်။

ယင်းကဲ့သို့ စက်သုံးဆီ ဈေးနှုန်းများ မြင့်တက် လာခြင်းကြောင်း ရန်ကုန်မြို့အတွင်းက အငှားယာဉ် မောင်းနှင်သူ များ အခက်အခဲကြုံတွေ့နေရကြောင်း အငှားယာဉ်မောင်း အသိုင်းအဝိုင်းက ညည်းညူကြသည်။

” ကျွန်တော် ကားနားထားတာ (၂) ရက်ရှိပြီ။ ဆက်ဆွဲဖို့ ဘယ်လိုမှ အဆင်မပြေတော့ဘူး။ ဆီဈေးက ဒီနေ့ (၂၅ ၇၀) ဖြစ်သွားပြီဆိုတော့ နားလိုက်တာ ကောင်းသွားတာပေါ့။ ဘာလို့ နားသလဲဆိုတော့ အဆင်မပြေတော့လို့ပေါ့။ ကျွန်တော်လည်း အဆင်မပြေသလို ပါစင်ကျယ်လည်း အဆင်မပြေဘူး။ အရင် ၃၀၀၀ ခရီးကို အခု ၅၀၀၀ လော က်တောင်းမှ ကိုက်တော့မယ်လေ။ သူလည်း ပိုပေးချင်မှာမဟုတ်ဘူး။ ကျွန်တော်လည်း ပိုမတောင်း ချင်ဘူး” ဟု ရန်ကုန်မြို့တွင်း အငှားယာဉ် မောင်းနှင်သူတစ်ဦးက ပြော သည်။

စက်သုံးဆီတင်သွင်းသိုလှောင်ဖြန့်ဖြူခြင်းလုပ် ငန်းကြီးကြပ်ရေးကော်မတီ၏ ယနေ့ ထုတ်ပြန်ခဲ့သည့် စက်သုံးဆီရည်ညွှန်းစျေးနှုန်းများအရ ရန် ကုန်တိုင်းအတွင်း၌ လက်လီစျေးအဖြစ် 92 Ron တစ်လီတာလျင် ၂၅၇၀ ကျပ်၊ 95 Ron တစ်လီတာလျင် ၂၆၃၅ ကျပ်၊ HSD (500 ppm) တစ်လီတာလျင် ၃၂၅၅ ကျပ် သတ်မှတ်ခဲ့သည်။

အလားတူ HSD (50 ppm)နှင့် HSD (10 ppm)တို့မှာ တစ်လီတာလျင် ၃၃၃၅ ကျပ်အဖြစ် စက်သုံးဆီရည်ညွှန်းလက်လီစျေးနှုန်းများအဖြစ် သတ် မှတ်ခဲ့သည်။

ထို့ပြင် စက်သုံးဆီတင်သွင်းသိုလှောင်ဖြန့်ဖြူခြင်းလုပ်ငန်းကြီးကြပ်ရေးကော်မတီ၏ စက်သုံးဆီရည်ညွန်းလက်ကားစျေးနှုန်းမှာလည်း ရန်ကုန်တိုင်း ၌ 92 Ron တစ်လီတာလျင် ၂၄၅၆ ကျပ်၊ 95 Ron တစ်လီတာလျင် ၂၅၁၈ ကျပ်၊ HSD(500 ppm) တစ်လီတာလျင် ၃၁၂၀ ကျပ်၊ HSD (50 ppm)နှင့် HSD(10 ppm)တို့မှာ တစ်လီတာလျင် ၃၂၀၀ ကျပ်တို့ဖြစ်သည်။

အဆိုပါ စျေးနှုန်းများအား စက်သုံးဆီတင်သွင်းသိုလှောင်ဖြန့်ဖြူခြင်းလုပ်ငန်းကြီးကြပ်ရေးကော်မတီမှ MOPS စျေးနှုန်းအပေါ်တွင် အခြေခံတွက်ချက်ထားခြင်းဖြစ်ကာ စက်သုံးဆီဝယ်ယူသူများအနေဖြင့် ကျေနပ်မှုမရှိပါက ကော်မတီသို့ဆက်သွယ်တိုင်ကြားနိုင်ကြောင်း သိရသည်။