ရွှေဒင်္ဂါးများ ရောင်းပေးတော့မည်ဖြစ်၍မနက်ဖန်တွင် ဒေါ်လာဈေး ၃၀၀၀ အောက်ကျဆင်းနိုင်
ဩဂုတ်လ (၃၁) ရက် ဈေးကွက်ပိတ်ချိန် (၁) ဒေါ်လာ ၄၅၀၀ အထိ စံချိန်တင် မြင့်တက်ခဲ့သည့် ကန်ဒေါ်လာ ငွေလဲဈေးနှုန်းမှာ စက်တင်ဘာ (၁) ရက်ဈေးကွက်ပိတ်ချိန်တွင် (၁) ဒေါ်လာလျင် ၃၅၀၀ ကျပ်အထိ ကျဆင်းသွားကြောင်း သိရသည်။
မနက်ဖြန် ရွှေစျေး ၂,၈၀၀,၀၀၀ အထိဆင်းမည်ဟု ကုန်သည်များခန့်မှန်းထားသည်။ရွှေ ၂,၈၀၀,၀၀၀ ဖြစ်လျှင် ငွေစျေး ၃၁၀၀ ဟုခန့်မှန်းထားကြပြီး ဗဟိုဘဏ်က ထပ်တိုးအစီအမံများကြေညာလာပါက ငွေစျေး ၃၀၀၀ အောက်ရောက်မည်ဟုခန့်မှန်းထားသည်ဟု ကုန်သည်အသိုင်းဝိုင်းမှသိရသည်။
ယခုည ၉ နာရီတွင်ရရှိသော သတင်းအရရွှေဒင်္ဂါးများသတ္တုတွင်းဝန်ကြီးဌာနမှရောင်းချပေးမည်ဟု သိရှိရသည်။
ကန်ဒေါ်လာ သန်း ၂၀၀ ကျော်ကို ဈေးကွက်အတွင်း လည်ပတ်ငွေအဖြစ် အသုံးပြုနိုင်ရန် ထုတ်ချေးပေးမည်ဟု ဩဂုတ်လ (၃၁) ရက် ညပိုင်းက ဗဟိုဘဏ်က ထုတ်ပြန်ခဲ့ခြင်းဖြစ်သည်။
ယင်းသို့ ထုတ်ပြန်ခဲ့ပြီး နောက်တစ်ရက်အတွင်း စက်တင် ဘာလ (၁) ရက်တွင် နံနက်ပိုင်း အဖွင့်ဈေးအနေဖြင့် ၄၀ ၀၀ ကျပ်ဖြင့် ဈေးဖွင့်ကာ အရောင်းအဝယ် ပြုလုပ်ခဲ့သော်လည်း ညနေပိုင်းတွင် ၃၅၀၀ ကျပ်အထိ ထပ်မံ ကျဆင်းခဲ့ခြင်း ဖြစ်သည်။
နိုင်ငံခြားငွေ ဈေးကွက်အတွင်း၌ ဒေါ်လာလိုအပ်ချက် မြင့်မားနေမှုကို အခွင့်ကောင်းယူကာ ဈေးကစားမှုများကြောင့် ရက်ပိုင်းအတွင်း ဈေးအဆမတန်မြင့်တက်ခဲ့မှုကို ထိန်းချုပ်သည့် အနေဖြင့် ဗဟိုဘဏ်က စက်သုံးဆီ နှင့် စားသုံးဆီ တင်သွင်းသည့် ကုမ္ပဏီများကို AD ဘဏ်များမှတဆင့် ဒေါ်လာ ထုတ်ချေးရန် ပြင်ဆင်ခဲ့ခြင်း ဖြစ် သည်။
ယင်းသို့ လုပ်ဆောင်ခြင်းကြောင့် ဈေးကွက်အတွင်း ဒေါ်လာဈေးနှုန်း ကျဆင်းသွားမည်ဟု ခန့်မှန်းကြောင်း ဗဟိုဘဏ် တာဝန်ရှိသူက ပေါ်ပြူလာနယူး(စ်) သို့ ပြောသည်။
“လက်ရှိတွင် စက်သုံးဆီကုမ္ပဏီများမှ နိုင်ငံခြားငွေလို အပ်ချက်မှာ အများဆုံးဖြစ်သဖြင့် ယင်းကဏ္ဍကို ပံ့ပိုးပေးခြင်းဖြင့် နိုင်ငံခြားငွေဈေးကွက်တွင် ဝယ်လိုအား လျော့နည်း သွားနိုင်ပြီး ဈေးကွက်သဘောတရားအရ ဝယ်လိုအား လျော့နည်းပါက ငွေလဲလှယ်နှုန်း မြင့်တက်ခြင်းကို ထိန်းသိမ်းနိုင်မည်ဟု ခန့်မှန်းပါတယ်” ဟု ၎င်းကဆိုသည်။
လက်ရှိတွင် ဗဟိုဘဏ်၏ ဒေါ်လာငွေလဲနှုန်း ရည်ညွှန်းဈေးမှာ ၂၁၀၀ ကျပ် သတ်မှတ်ကာ အဆိုပါ ဈေးနှုန်းနှင့် ၃ ရာခိုင်နှုန်းသာ ကွာဟ ရောင်းဝယ်ရန် ညွှန်ကြားထားသော်လည်း ပြင်ပဈေးကွက် ပေါက်ဈေးနှင့် ၁၄၀၀ ကျပ် ကွာဟနေဆဲဖြစ် သည်။
