“စားနပ်ရိက္ခာဖူလုံရေးကဏ္ဍတွင် မြန်မာနိုင်ငံ၏ အရေးပါမှုနှင့်ရင်းနှီးမြှုပ်နှံမှုအတွက် အခွင့်အ လမ်းကောင်းများ”ခေါင်းစဥ်ဖြင့် နစက ဥက္ကဋ္ဌမိန့်ခွန်းပြောကြား
ရုရှနိုင်ငံသိုရောက်ရှိနေသည့် နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်သည် စက်တင်ဘာလ (၇) ရက်တွင် ပြုလုပ်သည့် Plenary session အစီအစဉ်တွင် မိန့်ခွန်းတက်ရောက် ပြောကြားခဲ့သည်။
အဆိုပါ အခမ်းအနားတွင် ရုရှ သမ္မတ ဗလာတီမာပူတင်က အဖွင့်မိန့်ခွန်းပြောကြားခဲ့ပြီး ဗိုလ်ချုပ်မှူး ကြီး မင်းအောင်လှိုင်က “The Importance of Myanmar in the Food Security Sector and Good Opportunities for Investment” ခေါင်းစဉ်ဖြင့်မိန့်ခွန်း ဆက်လက်ပြောကြားခဲ့ခြင်း ဖြစ်သည်။
ဗိုလ်ချုပ်မှုကြီး မင်းအောင်လှိုင်သည် အရှေ့ဖျား စီးပွား ရေး ဖိုရမ်တက်ရောက်ရန် ရုရှနိုင်ငံသို့ ရောက်ရှိနေခြင်း ဖြစ်ပြီး ယနေ့ နံနက်ပိုင်းတွင် သမ္မတ ပူတင်နှင့် သီး ခြားတွေ့ဆုံခဲ့သည်။
Plenary session အစီအစဉ်တွင် အာမေးနီးယားဝန်ကြီး ချုပ်၊ မွန်ဂိုလီးယားဝန်ကြီးချုပ်နှင့် တရုတ်ကွန်ဂရက်ဥက္ကဋ္ဌတို့ကလည်းမိန့်ခွန်းပြောကြားခဲ့ပြီး ကိုယ်တိုင်မတက်ရောက်နိုင်သည့် အိန္ဒိယဝန်ကြီးချုပ်နှင့် မလေးရှား ဝန်ကြီးချုပ်တို့သည် Video massage ပေးပို့ ခဲ့ကြောင်း သိရသည်။
ဗိုလ်ချုပ်မှူးကြီး မင်းအောင်လှိုင်သည် “စားနပ်ရိက္ခာဖူလုံရေးကဏ္ဍမှာ မြန်မာနိုင်ငံရဲ့ အရေးပါမှုနဲ့ ရင်းနှီးမြှုပ်နှံမှုအတွက် အခွင့်အလမ်းကောင်းများ” ဆိုပြီး ရင်းနှီးမြုပ်နှံမူ အတွက် အဓိကထားပြောကြားသွားကြောင်း သိရသည်။
ယနေ့ဖိုရမ်တွင်ရုရှားသမ္မတ ဗလာဒီမာပူတင် ပြောကြားသည်များက
“ယူကရိန်းတွင် ရုရှား၏ စစ်ရေးလှုပ်ရှားမှုကို တုံ့ပြန်သည့်အနေဖြင့် အနောက်နိုင်ငံများက ပိတ်ဆို့အရေးယူမှုများ ချမှတ်ပြီးနောက်ပိုင်းတွင် ရုရှားသည် အရှေ့အလယ်ပိုင်းနှင့် အီရန်နိုင်ငံများတွင် စျေးကွက် အခွင့်အလမ်းများ ပိုမိုရရှိလာကြောင်း၊ရုရှားကို ကမ္ဘာ့ဇာတ်ခုံမှ တွန်းထုတ်ရန် အနောက်အုပ်စု၏ ကြိုးပမ်းမှုများကို မော်စကိုက ဖီဆန်နေမည်ဖြစ်ကြောင်း၊ရုရှားကို အထီးကျန်အဖြစ်ခွဲထုတ်ဖို့ မဖြစ်နိုင်ကြောင်း” တို့ကိုထည့်သွင်းပြောကြားခဲ့သည်။
