နစက၏ရုရှား ခရီးစဥ်၌ ကျန်းမာရေးနှင့် ပညာရေး နယ်ပယ်များတွင် ပူးပေါင်းနိုင်မည့်အလားအလာများဆွေးနွေး
Irkutsk ပြည်နယ်ရှိ ကလေးဆေးရုံ နှင့်အမှတ်(၁၄)အခြေခံပညာအလယ်တန်းကျောင်း MBOU Zakharovkaya Secondary School Moscow တို့သို့ နစက ဥက္ကဋ္ဌ၊နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင် လှိုင် စက်တင်ဘာ ၁၁ ရက်(ယနေ့)တွင် သွား ရောက်လေ့လာကြည့်ရှုခဲ့သည်။
နစက ဥက္ကဋ္ဌသည် Irkutsk Regional Children’s Clinical Hospital သို့သွားရောက်ရာ ဆေးရုံအ ကြီးအကဲ Mr.Kozov Yuri Andreevich က ဆေးရုံအတွင်း ကလေးသူငယ်များအား ကျန်း မာရေးစောင့်ရှောက်မှု ဆောင်ရွက်ပေးနိုင်မှုနှင့်ဆေးရုံကို ခုတင် ၄၀၀ ဆန့် အဆင့်မြှင့်တင်၍ နှစ်နှစ်အတွင်း ပြီးစီးအောင်ဆောင်ရွက်သွားမည့် အ ခြေအနေများအား Video presentation များ၊ ဆေးရုံကြီးတည်ဆောက်ပြီးစီးပါက ဖြစ်ပေါ်လာမည့်အခြေအနေများကိုVR နည်းပညာအသုံးပြု၍ ရှင်းလင်းတင်ပြခဲ့သည်။
ထို့နောက် နစက ဥက္ကဋ္ဌက ကျန်းမာရေးစောင့် ရှောက်မှုဆိုင်ရာများတွင် ပူးပေါင်းဆောင်ရွက်နိုင်မည့် အခြေအနေများနှင့်သိရှိလိုသည်များကို မေး မြန်းဆွေးနွေး၍ ဆေးရုံဝန်းအတွင်း လှည့်လည်ကြည့်ရှုရာ ဆေးရုံတည်ဆောက်မည့် အခြေအနေ၊ ဆေးရုံအတွင်း၌ Robotic Technology အသုံးပြု ၍ ခွဲစိတ်ကုသမှုဆောင်ရွက်နိုင်သည့် စက်ကိရိ ယာများ၏ စွမ်းဆောင်ရည်များကို ဆေးရုံအကြီး အကဲက လိုက်လံရှင်းလင်းပြသခဲ့ပြီး စမ်းသပ်ခွဲစိတ်ကုသမှုတစ်ခုကို သရုပ်ပြခွဲစိတ်ပြသခဲ့ကြသည်။
ထို့နောက် နစက ဥက္ကဋ္ဌသည် အမှတ်(၁၄)အခြေ ခံပညာအလယ်တန်းကျောင်း MBOU Zakharovkaya Secondary School Moscow သို့သွားရောက်ရာ Irkutsk ပြည်နယ်အစိုးရအဖွဲ့ ပ ညာရေးဝန်ကြီး Maxim Alexandrovich ၊ Parfenovကျောင်းအုပ်ကြီး Ms, Lyudmila Leonidovna Tuchkova နှင့်ကျောင်းတာဝန်ခံများက မူလတန်းကျောင်းသူကျောင်းသားများကို ပညာသင်ကြားပေးနေမှုစနစ်များ၊အဆင့်မြင့် သင်ကြားမှု၊သင်ယူမှုအထောက်အကူပြုနည်းပညာသုံး၍ ကလေးငယ်များကို စိတ်ပါဝင်စားစေပြီး လွယ်ကူရှင်းလင်းစွာဖြင့် ဘာသာရပ်ပိုင်းဆိုင်ရာများကို နားလည်တတ်ကျွမ်းမှုရှိအောင် သင်ကြားပေးနေမှုများ၊စာကြည့်တိုက်များ၊ကလေးအားကစားကွင်းတို့ကိုလိုက်လံပြသခဲ့သည်။
ထို့နောက် မြန်မာအနေဖြင့် ပညာရည်အဆင့်မြှင့်တင်ရေးဆိုင်ရာများတွင် ပူးပေါင်းဆောင်ရွက်နိုင်မည့်အခြေနေများကိုဆွေးနွေးခဲ့ကြောင်း သိရသည်။
