သယံဇာတနှင့် ပတ်ဝန်းကျင်ထိန်းသိမ်းရေး ဝန်ကြီးဌာနက ဦးဆောင်ကာ နှစ်လယ်မြန်မာ့ကျောက်မျက်ရတနာပြပွဲ ကို နေပြည်တော်တွင် အောက်တိုဘာလ တတိယပတ်အတွင်း ကျင်းပသွားရန် စီစဉ်နေကြောင်း သိရသည်။
အဆိုပါ နှစ်လယ်ကျောက်မျက်ပြပွဲကို အောက်တိုဘာလ ၁၉ ရက်မှ ၂၅ ရက်အထိ နေပြည်တော် မဏိရတနာကျောက်စိမ်းခန်းမတွင် ကျင်းပသွားမည်ဖြစ်ကြောင်း သိရသည်။
ယင်းပြပွဲအတွင်း ကျောက်စိမ်းအတွဲများ၊ ပုလဲနှင့် ကျောက်မျက်များ ခင်းကျင်းပြသကာ ရောင်းချသွားမည်ဖြစ် ကြောင်း သယံဇာတနှင့် သဘာဝပတ်ဝန်ကျင်ထိန်းသိမ်းရေးဝန်ကြီးဌာနက သတင်း ထုတ်ပြန်ထားသည်။
အဆိုပါ ပြပွဲသို့ မြန်မာ့ကျောက်မျက်ရတနာဥပဒေနှင့်အညီ ခွင့်ပြုမိန့်ရယူ၍ ကျောက်မျက်ရတနာများ တူးဖော်ထုတ်လုပ်ခြင်းလုပ်ငန်းဆောင်ရွက်လျက်ရှိသည့် နိုင်ငံသားကျောက်မျက်ရတနာလုပ်ငန်းရှင်များ၊ လိုင်စင်ရယူ၍ ကျောက်မျက်ရတနာရောင်းဝယ်ခြင်းလုပ်ငန်းများ ဆောင်ရွက်လျက်ရှိသည့် နိုင်ငံသားကျောက်မျက်ရတနာလုပ်ငန်းရှင်များအနေဖြင့် သတ်မှတ်ချက်များနှင့်အညီ တက်ရောက်ဝယ်ယူခွင့်ပြုမည်ဖြစ်ကြောင်း သိရသည်။
မြန်မာနိုင်ငံတွင် ပထမဆုံးအကြိမ် ကျောက်မျက် ရတနာပြပွဲကို တော်လှန်ရေးကောင်စီလက်ထက် ၁၉၆၄ ခုနှစ်တွင် ရန်ကုန်မြို့ အင်ယားလိတ်ဟိုတယ်၌ စတင်ကျင်းပခဲ့ကြောင်း သိရသည်။
အဆိုပါ ပထမ အကြိမ် ပြပွဲမှစ၍ အကြိမ် (၃၀) မြောက်ပြပွဲအထိ ၁၉၉၃ ခုနှစ် ဖေဖော်ဝါရီလအထိ ပြပွဲပေါင်း (၃၁) ပွဲကို ရန်ကုန်မြို့ အင်းယားလိတ်ဟိုတယ်တွင် ကျင်း ပခဲ့ပြီး ၁၉၉၃ ခုနှစ် နှစ်လယ်ပြပွဲမှ ၂၀၀၆ ခုနှစ် မတ်လ (၄၃) ကြိမ်မြောက်ပြပွဲအထိ ပြပွဲပေါင်း (၃၅) ပွဲကို ရန်ကုန်မြို့ ကမ္ဘာအေးဘုရားလမ်းရှိ မြန်မာ့ကျောက်မျက် ရတနာပြပွဲခန်းမ၌ ကျင်းခဲ့ကြောင်း ကျောက်မျက်ပြပွဲသတင်းအချက်အလက်များအရ သိရသည်။
ထို့နောက် ၂၀၀၆ ခုနှစ် ဇွန်၊ ဇူလိုင် အထူးပြပွဲမှ ၂၀၁၀ ပြ ည့်နှစ် ဇွန်၊ ဇူလိုင်အထူးပြပွဲအထိ ပြပွဲပေါင်း (၁၃) ပွဲကို ရန်ကုန်မြို့ မင်းဓမ္မလမ်းရှိ မြန်မာကွန်ဗင်းရှင်းစင်တာတွင်လည်းကောင် ၂၀၁၀ ပြည့်နှစ် နိုဝင်ဘာလ နှစ်လယ်ပြပွဲမှစတင်၍ (၅၇) ကြိမ်မြောက် မြန်မာ့ကျောက်မျက်ရတနာပြပွဲအထိ နေပြည်တော်မဏိရတနာ ကျောက်စိမ်းခန်းမ ကျင်းပခဲ့ကြောင်း သိရသည်။
