တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်သည် အောက်တိုဘာ ၁၂ ရက်(ယနေ့) တွင် ပြင်ဦးလွင်မြို့၊စစ်တက္ကသိုလ်၌ ပြုလုပ်သည့် စစ်တက္ကသိုလ်ဗိုလ်လောင်းသင် တန်းအမှတ်စဉ် (၆၅)၏ စစ်လက်ရုံးရွေးချယ်ပွဲသို့ တက်ရောက်၍ စီစစ်ရွေးချယ်ပေးခဲ့သည်။
ကာကွယ်ရေးဦးစီးချုပ်နှင့်အတူ ညှိနှိုင်းကွပ်ကဲရေးမှူး (ကြည်း၊ရေ၊ လေ)ဗိုလ်ချုပ်ကြီး မောင်မောင်အေး၊ ကာကွယ်ရေးဦးစီးချုပ်(ရေ)ဗိုလ်ချုပ်ကြီး မိုးအောင်၊ကာကွယ်ရေးဦးစီးချုပ်(လေ)ဗိုလ်ချုပ်ကြီး ထွန်းအောင်၊ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများ၊အလယ်ပိုင်းတိုင်းစစ် ဌာနချုပ် တိုင်းမှူးဗိုလ်ချုပ် ကိုကိုဦး၊စစ်တက္က သိုလ်ကျောင်းအုပ်ကြီးနှင့်တာဝန်ရှိသူများက ဗိုလ် လောင်းများအား တစ်ဦးချင်းစီတွေ့ဆုံမေးမြန်း၍ စာပေပညာ၊စစ်ပညာဘာသာရပ်အလိုက် ထူးချွန်ထက်မြက်မှုဝါသနာနှင့်ကြိုးစားအားထုတ်မှုများအပေါ်မူတည်၍သင့်လျော်သည့် တပ်မတော် (ကြည်း၊ရေ၊လေ)စစ်လက်ရုံးအသီးသီးအတွက် စီစစ်ရွေးချယ်ပေးခဲ့ကြသည်။
နေ့လည်ပိုင်းတွင် တပ်ချုပ်က ဗိုလ်လောင်းစားရိပ်သာ၌ သင်တန်းသားဗိုလ် လောင်းများအား ရင်းရင်းနှီးနှီး လိုက်လံနှုတ် ဆက်၍ အားပေးစကား ပြောကြားခဲ့သည်။
မွန်းလွဲပိုင်းတွင်လည်း စစ်တက္ကသိုလ်ဗိုလ် လောင်းသင်တန်းအမှတ်စဥ်(၆၅)၏ စစ်လက်ရုံးရွေးချယ်မှုအား ဆက်လက်ပြုလုပ်ခဲ့ကြကြောင်း သိရသည်။
