ပြန်ကြားရေးဝန်ကြီးဌာန၊အမျိုးသားစာပေဆု စိစစ်ရွေး ချယ်ရေးကော်မတီမှ စာရေးဆရာကြီး ဦးမြတ်သူ(တက္က သိုလ်မြတ်သူ)၊ စာရေးဆရာကြီး ဦးအုန်းမောင်(မြင်းမူမောင်နိုင်မိုး)၊ စာရေးဆရာကြီး ဒေါက်တာမျိုးသန့်တင်၊စာရေးဆရာမကြီး ဒေါက်တာမတင်ဝင်းတို့အား ၂ဝ၂၁ ခုနှစ်အတွက် အမျိုးသားစာပေတစ်သက်တာဆုရှင်များအဖြစ် ရွေးချယ်ချီးမြှင့်ခဲ့သည်။
ထို့ပြင် ၂ဝ၂၁ ခုနှစ်အတွင်း ပထမအကြိမ်ထုတ်ဝေခဲ့သည့် စာအုပ်များအနက် အမျိုးသားစာပေဆုများအဖြစ် ဝတ္ထုတိုဆုတွင် မင်းခိုက်စိုးစန်ရေး သားသည့် ဂျစ်ကန်ကန်ဝတ္ထုတိုများစာအုပ် (ငါတို့စာပေတိုက်)အား ရွေးချယ်ခဲ့သည်။
စာပဒေသာဆုတွင် စိုးတင့်(ဧရာဝတီ)ရေးသားသည့် ဖိုးထောင်ဇာတ်လမ်းစုံစာအုပ်(နိုင်ငံ့ဂုဏ် ရည်စာပေတိုက်)၊မြန်မာ့ယဉ်ကျေးမှုနှင့်အနုပညာဆုတွင် ရွှေကူနန်းနွဲ့နွဲ့ ရေးသားသည့် ညောင်ရမ်း ခေတ်ဝန်ကြီးပဒေသရာဇာ၏ မဏိကက်ပြဇာတ်ကို တေးဂီတရှုထောင့်မှ လေ့လာခြင်းစာအုပ် (သစ္စာရောင်ခြည်စာပေတိုက်)၊လူငယ်စာပေဆုတွင် အကြီးကိုကို(ကသာ)ရေးသားသည့် လူငယ် ၁ဝဝ မေးခွန်း ၁ဝဝ အဖြေ ၁ဝဝ စာအုပ်(အကြီးကိုကိုစာအုပ်တိုက်)တို့အား ရွေးချယ်ခဲ့သည်။
ဘာသာပြန်(သုတ)ဆုတွင် သက်ဆွေရေးသားသည့် အရှက်တကွဲ အကျိုးနည်းစာအုပ် (Myanmar Heritage Publishing)၊သုတပဒေသာ (ဝိဇ္ဇာ)ဆုတွင် ပန်းတနော်ခင်မောင်မြင့် ရေးသားသည့် ရာမညစာအုပ်(ဇွန်ပန်းမွှေးမွှေးစာပေတိုက်)၊သုတပဒေသာ(အသုံးချသိပ္ပံ)ဆုတွင် ဒေါက်တာသန်းထိုက်ရေးသားသည့် သိပ္ပံနည်းကျဒေတာ လမ်းပြစားသောက်ကုန်တာရှည်ခံထိန်းဓာတုပ စ္စည်းများစံချိန်စံညွှန်းပြည့်မီစွာ အသုံးပြုနည်းစာအုပ်(MCM Publishing)တို့အား ရွေးချယ်ခဲ့သည်။
အင်္ဂလိပ်ဘာသာ(သုတ)ဆုတွင် Maw TharHtwe (Mandalay)ရေးသားသည့် GLOBAL PERSPECTIVE VIEWS ON ENERGY AND ELECTRICITY စာအုပ် (Tha Zin – Sar Pay)၊ အင်္ဂလိပ်ဘာသာ(ရသ)ဆုတွင် Maung Swe Ngae ရေးသားသည့် Through the Window of Sarpay Beikman စာအုပ်(နိုင်ငံ့ဂုဏ်ရည်စာပေတိုက်)တို့ကိုရွေးချယ်ခဲ့သည်။
အမျိုးသားစာပေတစ်သက်တာဆုရှင် ၄ ဦးအား တစ်ဦးလျှင်ငွေကျပ်သိန်း ၁ဝဝ ၊အမျိုးသားစာပေဆုများအား တစ်ဆုလျှင်ငွေကျပ်သိန်း ၃ဝ စီအား နိုဝင်ဘာ ၂၃ ရက်(စာဆိုတော်နေ့)တွင် ကျင်းပမည့် အမျိုးသားစာပေတစ်သက်တာဆု၊အမျိုး သားစာပေဆုနှင့်စာပေဗိမာန်စာမူဆုများ ချီးမြှင့်ပွဲအခမ်းအနား၌ ချီးမြှင့်သွားမည်ဖြစ်ကြောင်း သိရသည်။
ထို့ကြောင့် ဆုရရှိသူများသည် ရန်ကုန်မြို့ အမှတ် (၅၂၉-၅၃၁)၊ကုန်သည်လမ်း၊စာပေဗိမာန်ရှိ အမျိုး သားစာပေဆုစိစစ်ရွေးချယ်ရေးကော်မတီ အ တွင်းရေးမှူး ဖုန်း ဝ၁-၂၄ဝဝ၄၈ နှင့်စီမံရေးရာ ဖုန်း ဝ၁-၃၈၁၄၄၉ တို့သို့ဆက်သွယ်ကာ (၅x၈)လက်မရောင်စုံဓာတ်ပုံနှစ်ပုံနှင့်ပတ်စပို့အရွယ် ရောင်စုံဓာတ်ပုံနှစ်ပုံစီအား ကိုယ်ရေးရာဇဝင်အကျဉ်း ချုပ်နှင့်တကွ(ကြေညာသည့်ရက်မှ တစ်ပတ်အ တွင်း)ပေးပို့ရမည်ဖြစ်ကြောင်း သိရသည်။
မြန်မာစာပေအကျိုးကိုထူးချွန်ပြောင်မြောက်စွာ တစ်သက်လုံးအားထုတ်ရေးသားပြုစုခဲ့သည့် ဆောင်ရွက်ချက်များကို နိုင်ငံတော်မှအသိ အမှတ်ပြုသည့်အနေဖြင့် ရွေးချယ်ချီးမြှင့်ခြင်းဖြစ်သည်။
