ဒေါ်ထားအဖွဲ့ခေါင်းဆောင် အမေဒေါ်ထားကွယ်လွန်

မြန်မာ့ရုပ်ရှင်နဲ့ဗီဒီယိုလောကရဲ့ ဇာတ်ကားပေါင်းများစွာမှာ ဇာတ်ပို့/ဖြတ်လျှောက်စတဲ့နေရာတွေမှာပါဝင်လေ့ရှိကြတဲ့ ဒေါ်ထားအဖွဲ့ရဲ့ခေါင်းဆောင် သရုပ်ဆောင်အမေဒေါ်ထားဟာ ယနေ့မှာ ကွယ်လွန်သွားခဲ့ပြီဖြစ်ပါတယ်။

အချိန် ၃နာရီကျော်ဝန်းကျင်မှာကွယ်လွန်ခဲ့တာဖြစ်ပြီး လူကြီးရောဂါဖြင့်သာကွယ်လွန်ခဲ့တာလို့သိရပါတယ်။

ဒေါ်ထားကွယ်လွန်ခြင်းနဲ့ပတ်သက်လို့ သရုပ်ဆောင်ဒေါင်းဝေမှလည်း သူ့ရဲ့ facebook စာမျက်နှာထက်မှာ အခုလိုရေးသားမျှဝေထားပါတယ်။

“ကျွန်တော့်ကိုခုလိုသရုပ်ဆောင်တစ်ယောက်ဖြစ်အောင်ပြုစုပျိုးထောင်ပေးခဲ့တဲ့ ဒေါ်ထားဖြတ်လျောက်အဖွဲ့ရဲ့ခေါင်းဆောင် အမေထား ခုနလေးတင်ကွယ်လွန်သွားပါပြီ😭😭”