၂၀၂၃ ခုနှစ်အတွက် ဂုဏ်ထူးဆောင်ဘွဲ့များ၊ဂုဏ် ထူးဆောင်တံဆိပ်များချီးမြှင့်အပ်နှင်းရန် စိစစ်ရေးအဖွဲ့ နာယက၊ နစက ဒု-ဥက္ကဋ္ဌ၊ ဒု-ဗိုလ်ချုပ်မှူးကြီးစိုးဝင်းက နိုဝင်ဘာ ၃ ရက်တွင်ပြုလုပ်ခဲ့သည့် ၂၀၂၃ ခုနှစ်အတွက် ဂုဏ်ထူးဆောင်ဘွဲ့များ၊ဂုဏ် ထူးဆောင်တံဆိပ်များချီးမြှင့်အပ်နှင်းရန် စိစစ်ရေးအဖွဲ့အစည်းအဝေး၌ ပြောကြားခဲ့ခြင်းဖြစ် သည်။
နိုင်ငံတော်အတွက် ထူးကဲစွာအကျိုးဆောင်သူ များ၊နိုင်ငံတော်တည်ငြိမ်အေးချမ်းရေးနှင့်တရားဥပဒေစိုးမိုးရေးတာဝန်များ ထမ်းဆောင်ရာတွင် မိမိကိုယ်ကျိုးကို မငဲ့ကွက်ဘဲ အသက်ခန္ဓာစွန့် လွှတ်ပြီး ရဲဝံ့စွန့်စားစွာတာဝန်ထမ်းဆောင်ခဲ့ကြသည့် တပ်မတော်သားများ၊မြန်မာနိုင်ငံရဲတပ်ဖွဲ့ဝင်များအပါအဝင် ပြည်သူ့ဝန်ထမ်းများကို ဂုဏ်ထူး ဆောင်ဘွဲ့များ၊ဂုဏ်ထူးဆောင်တံဆိပ်များနှင့်စွမ်းဆောင်မှုဆိုင်ရာဂုဏ်ထူးဆောင်တံဆိပ်(၁၂)မျိုး ချီးမြှင့်သွားမည်ဟု ပြောသည်။
“နိုင်ငံတော်အနေနဲ့ ဂုဏ်ပြုထိုက်သူတွေကို ဂုဏ်ပြုခြင်းနဲ့ချီးမြှင့်ထိုက်သူတွေကို ချီးမြှင့်ခြင်းတွေကို မင်္ဂလာတရားတော်နဲ့အညီဆောင်ရွက်ခြင်းဖြစ်ပါတယ်”ဟု နစက ဒု-ဥက္ကဋ္ဌကပြောသည်။
ထို့ကြောင့် နိုင်ငံကိုအဘက်ဘက်မှ ရန်လိုဖိအားပေးလုပ်နေသည့်ကာလအတွင်း နိုင်ငံ၏တာဝန်များကို ကျရာကဏ္ဍများမှ ထူးကဲစွာအသက်ပေး ဆောင်ရွက်ကြသည့် နိုင်ငံ့ဝန်ထမ်းများနှင့်လုံခြုံ ရေးအဖွဲ့ဝင်များ မကျန်ရှိစေရန်လည်း စိစစ်ဆောင်ရွက်ရမည်ဟု ပြောသည်။
“နိုင်ငံတော်က ချီးမြှင့်အပ်နှင်းခံရမယ့် ပုဂ္ဂိုလ်တွေရဲ့ အရည်အချင်းဟာ သားစဉ်မြေးဆက် ဂုဏ်ယူဝံ့ကြွားနိုင်တဲ့ ထိုက်တန်တဲ့ စွမ်းဆောင်ရည်တွေကိုသာ ချီးမြှင့်ခံရခြင်းမျိုးဖြစ်စေလိုပါတယ်”ဟု နစက ဒု-ဥက္ကဋ္ဌကပြောသည်။
ယခု ၂၀၂၃ ခုနှစ်၊ဇန်နဝါရီ ၄ ရက် စိန်ရတုလွတ် လပ်ရေးနေ့တွင် ၂၀၂၂ ခုနှစ်၊မတ် ၂၇ ရက်တွင် ပထမအကြိမ်အဖြစ် စည်သူဘွဲ့ ၁ ဦး၊ သီရိပျံချီဘွဲ့ ၉ ဦး၊ ဇေယျကျော်ထင်ဘွဲ့ ၅ ဦး၊ ဝဏ္ဍကျော်ထင်ဘွဲ့ ၄၅ ဦးအပါအဝင်(စုစုပေါင်း ၈၈၀ ဦး)အားချီး မြှင့်ရန် သတ်မှတ်ထားသည်ဟု ပြောသည်။
ထို့ပြင် ဒုတိယအကြိမ်အဖြစ် ၂၀၂၂ ခုနှစ်၊ဧပြီ ၁၇ ရက် မြန်မာနှစ်ဆန်း ၁ ရက်တွင် ဂုဏ်ထူးဆောင်ဘွဲ့တံဆိပ်များ၊စွမ်းရည်သတ္တိဆိုင်ရာများကို ထုတ်ပြန်ထားပြီးဖြစ်ကာ အဂ္ဂမဟာသီရိသုဓမ္မဘွဲ့ ၃ ဦး၊ သတိုးသီရိသုဓမ္မဘွဲ့ ၂ ဦး၊ အဂ္ဂမဟာသရေစည်သူဘွဲ့ ၅ ဦး၊ သတိုးမဟာသရေစည်သူဘွဲ့ ၅ ဦးအပါအဝင်(စုစုပေါင်း ၁၄၆ ဦး)အား ၂၀၂၃ ခုနှစ်၊ဇန်နဝါရီ ၄ ရက်စိန်ရတုလွတ်လပ်ရေးနေ့တွင် နိုင်ငံတော်အဆင့်အခမ်းအနားဖြင့် ချီးမြှင့်သွားမည်ဟု နစက ဒု-ဥက္ကဋ္ဌကပြောသည်။
