တနင်္သာရီတိုင်းသည် ရော်ဘာ၊ ငါးခြောက်၊ကျွန်းသစ်၊ သီဟိုဠ်စေ့နှင့် ကွမ်းသီးတို့လည်း ထွက်ရှိ ထုတ်လုပ်ပြီး တရုတ်၊ အိန္ဒိယနှင့် ထိုင်းနိုင်ငံများသို့ ပြည်တွင်းကုန်သည်များကတင်ပို့လျှက်ရှိသည်။
ထားဝယ်သည် နာနတ်သီး၊ သရက်သီးအမျိုးမျိုး၊ မန်ကျည်းသီးနှင့် ဒူးရင်း စသည့် အပူပိုင်းဒေသထွက် အသီးအနှံမျိုးစုံကြောင့်လည်း လူသိများသလို သမိုင်းနှင့် ဓလေ့ထုံးတမ်းများ၊ ဂေဟစနစ်၊ယဉ်ကျေးမှုများနှင့်အပူပိုင်းဒေသ ကမ်းခြေအလှ ၏ဆွဲဆောင်မူကြောင့် နိုင်ငံခြားသားများ စိတ်ဝင်စားသည့်ဒေသဖြစ်သည်။
ထိုဒေသသို့ရောက်ရှိနေသော နစက ဥက္ကဌ ကထားဝယ်ခရိုင်အတွင်းရှိ အသေးစား၊အငယ်စားနှင့်အလတ်စား စီးပွားရေး (MSME) လုပ်ငန်းရှင်များနှင့် နိုဝင်ဘာ ၄ ရက်မွန်းလွဲပိုင်းက တွေ့ဆုံစဥ်တွင် ဒေသတွင်း ခရီးသွားလုပ်ငန်းနှင့် ကုန်သွယ်ရေးလမ်းကြောင်း များနှင့်ဆက်စပ်ပြီး ပြောကြားခဲ့သည်။
ထားဝယ်ဒေသသို့ နယ်စပ်မှတစ်ဆင့် ပြည်ပခရီးသွားများ ဝင်ရောက်လျက်ရှိသဖြင့် မိမိတို့ဒေသ၏ သန့်ရှင်းသာယာလှပရေးအား ဒေသတွင်းရှိ အုပ်ချုပ်ရေးအဖွဲ့အစည်းများ၊ဒေ သခံများက ဝိုင်းဝန်းဆောင်ရွက်နေမူ၊ ရပ်ရွာအေးချမ်းမူတို့ကို နစက ဥက္ကဋ္ဌက “နယ်မြေတည်ငြိမ်အေးချမ်းမှသာ ဒေသကိုလာရောက်တဲ့သူ များလာမှာဖြစ်တဲ့အတွက် နယ်မြေဒေသအေးချမ်းရေးနဲ့တရားဥပဒေစိုးမိုးရေးအတွက်လည်း ဝိုင်းဝန်းထိန်းသိမ်းဆောင်ရွက်ကြရမှာဖြစ်ပါတယ် အိမ်သာမှသာ ဧည့်လာမှာဖြစ်ပါတယ်”ဟုအကြံပြုခဲ့သည်။
“ခရီးသွားလုပ်ငန်းနဲ့ကုန်သွယ်မှုလုပ်ငန်းတွေ လွယ်ကူလျင်မြန်ချောမွေ့စေဖို့အတွက် ထားဝယ်ဒေသကို မီးရထားလမ်းဖောက်လုပ်နိုင်ဖို့ ကြိုတင် ပြင်ဆင်စီမံဆောင်ရွက်နေပါတယ်”ဟု နစက ဥက္ကဋ္ဌကပြောသည်၊
ထားဝယ်ဒေသဖွံ့ဖြိုးတိုးတက်ရန် ဒေသမှထွက်ရှိသည့် ကုန်ကြမ်းများကို အသုံးပြု ၍ ကုန်ထုတ်လုပ်မှုလုပ်ငန်းများကိုလည်းဒေသတွင်းနေ ထိုင်သူများက အောင်မြင်အောင်ဆောင်ရွက်ဖို့ အကြံပြုအားပေးခဲ့ သည်။
“လိုအပ်တဲ့ ပံ့ပိုးမှုတွေကို နိုင်ငံတော်ကဆောင်ရွက်ပေးသွားမှာဖြစ်လို့ ကုန်ထုတ်လုပ်မှုတွေတိုးတက်စေဖို့အတွက် အားလုံးဝိုင်းဝန်းကြိုးပမ်းဆောင် ရွက်ကြစေလိုပါတယ်”ဟု နစက ဥက္ကဋ္ဌက တိုက် တွန်းမှာကြားခဲ့သည်။
နစက ဥက္ကဌ သည် ထားဝယ်တွင် ကြီးပြင်းခဲ့သော ဒေသခံတစ်ဦးလည်းဖြစ်သည်။
