ကမ္ဘောဒီးယား ဘုရင့်တပ်မတော် (RCAF) ၏ ဒုတိယ စစ်ဦးစီးချုပ်နှင့် ကမ္ဘောဒီးယား တော်ဝင် တပ်မတော် ကာကွယ်ရေး ဦးစီးချုပ် ဒုတိယ ဗိုလ်ချုပ်ကြီး ဟွန်မန်နက်(ကမ္ဘောဒီးယားဝန်ကြီးချုပ်ဟွန်ဆန်၏သား) နှင့်
မြန်မာ့တပ်မတော် အမှတ် (၅) အထူးစစ်ဆင်ရေးရုံး ကွပ်ကဲရေးမှူး ဒုတိယ ဗိုလ်ချုပ်ကြီး သက်ပုံတို့ နှစ်ဖက်တွေ့ဆုံမှုတွင် “မြန်မာနိုင်ငံအနေနဲ့ ပြဿနာတွေကို အမြန်ဆုံးဖြေရှင်းပြီး ပုံမှန်ပြန်ဖြစ်လာတာမြင်တွေ့လိုလှပါတယ်”ဟု ဟွန်မန်နက်ကပြောကြားခဲ့သည်။
ဗီယက်နမ်နိုင်ငံဟနွိုင်းမြို့၌ နိုဝင်ဘာ၁၀ရက်နေ့တွင် ကျင်းပခဲ့သော ၂၃ ကြိမ်မြောက် အာဆီယံ တပ်မတော် ကာကွယ်ရေး ဦးစီးချုပ်များ ဘက်စုံအစည်းအဝေး (ACAMM-23) ၏ ပြင်ပတွင်ဆွေးနွေးခဲ့ခြင်း ဖြစ်သည်။
ဒေသတွင်းနှင့် ကမ္ဘာ့လုံခြုံရေးဆိုင်ရာ အဓိကကိစ္စရပ်များကို ဆွေးနွေးစဉ်တွင် ဒုတိယဗိုလ်ချုပ်ကြီး ဟွန်မန်နက်က “ RCAF သည် နှစ်နိုင်ငံအစိုးရနှင့် ကာကွယ်ရေးဝန်ကြီးဌာနများ၏ လုံခြုံရေးနှင့် ကာကွယ်ရေး ပူးပေါင်းဆောင်ရွက်မှု မြှင့်တင်ရာတွင် ပံ့ပိုးကူညီရန် အသင့်ရှိကြောင်း”ပြောကြားခဲ့သည်။
ဒုတိယဗိုလ်ချုပ်ကြီး သက်ပုံကလည်း အာဆီယံဥက္ကဋ္ဌဖြစ်နေသည့် ကမ္ဘောဒီးယားအနေဖြင့် ကိုဗစ်-၁၉ တိုက်ဖျက်ရေးအတွက် အကူအညီများ ပေးအပ်ခဲ့မူအား ကျေးဇူးတင်ရှိကြောင်း၊
နှစ်နိုင်ငံနှင့် ဒေသတွင်း မူဘောင်နှစ်ရပ်စလုံးတွင် ကောင်းမွန်သော ပူးပေါင်းဆောင်ရွက်မှုကို ဆက်လက်ထိန်းသိမ်းထားနိုင်မည်ဟု ယုံကြည်ပါကြောင်း”ပြောကြားခဲ့သည်။
ဟွန်မန်နက်သည် အခြားအာဆီယံနိုင်ငံများမှ ကာကွယ်ရေးဦးစီးချုပ်များနှင့်လည်းသီးခြား တွေ့ဆုံခဲ့သည်။
Ref:khmertimeskh
