ရှမ်းပြည်နယ်၊တာချီလိတ်ခရိုင်၊တာလေမြို့၊နားယောင်းကျေးရွာအုပ်စု၊ကျတားကျေးရွာအနီးတွင် နိုဝင်ဘာ ၂၈ ရက်(ယနေ့)မွန်းလွဲပိုင်းကဖြစ်ပွားခဲ့ခြင်းဖြစ်ကြောင်း လောကပါလ လူမှုကူညီရေးအသင်း(တာလေမြို့)မှ သိရသည်။
ယနေ့မွန်းလွဲ ၂ နာရီခန့်က တာချီလိတ်မြို့ဘက်မှမိုင်းဖြတ်မြို့သို့ အမျိုးသားတစ်ဦးမောင်းကာ အမျိုးသမီးတစ်ဦးလိုက်ပါလာသည့် Honda Fit ကားသည် ကျတားကျေးရွာအနီးအရောက် ကားချင်းရှောင်ရာမှ အရှိန်မထိန်းနိုင်ဘဲ တာလေနမ့်လင်းချောင်းအတွင်းသို့ ထိုးကျသွားခဲ့သည်။
“ဖုန်းသတင်းရလို့သွားပြီးကူညီပေးခဲ့ပါတယ် ကားကချောင်းရေထဲအထိတော့ကျမသွားဘူး ကားပေါ်ပါလာတဲ့ ၂ ယောက်ကတော့ ဒဏ်ရာနည်းနည်းပါးပါးရသွားတယ်”ဟု လောကပါလ လူမှုကူညီရေးအသင်း(တာလေမြို့)မှ တာဝန်ရှိသူတစ်ဦးကပြောသည်။
ဖြစ်စဥ်၌ ကားပေါ်တွင်မောင်းနှင်လိုက်ပါလာသည့် အမျိုးသားနှင့်အမျိုးသမီးတို့တွင် ထိခိုက်ပွန်းပဲ့ဒဏ်ရာများရရှိခဲ့သဖြင့် တာလေမြို့ပြည်သူ့ဆေးရုံသို့ ပို့ဆောင်ပေးခဲ့ကြကြောင်း သိရသည်။
“နှစ်ယောက်လုံးမှာ ပြင်းပြင်းထန်ထန်ထိခိုက်မိတာမရှိပါဘူး ပွန်းပဲ့ဒဏ်ရာလောက်ပါပဲ ကားမောင်းတဲ့လူကတော့ခြေထောက်နာနေတယ်ပြောတယ်”ဟု လောကပါလ လူမှုကူညီရေးအသင်း (တာလေမြို့)မှ တာဝန်ရှိသူတစ်ဦးကပြောသည်။
Photo-လောကပါလ လူမှုကူညီရေးအသင်း(တာလေမြို့)