ပြင်ဦးလွင်မြို့ရှိ အမျိုးသားကန်တော်ကြီးဥယျာဥ်ထိန်းသိမ်းထားရှိမှုအား နစက ဥက္ကဋ္ဌ၊ ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်က ဒီဇင်ဘာ ၂ ရက်နေ့လည်ပိုင်း၌ ကြည့်ရှုစစ်ဆေးစဥ်မှာကြားခဲ့ခြင်းဖြစ်သည်။
ဥယျာဉ်ရှင်းလင်းဆောင်ခန်းမတွင် ဥယျာဉ်မှတာ ဝန်ရှိသူများက နစက ဥက္ကဋ္ဌအား အမျိုးသားကန်တော်ကြီးဥယျာဉ်ဆိုင်ရာ အချက်အလက်များ၊ဆောင်ရွက်ထားရှိမှုများနှင့် ၁၅ ကြိမ်မြောက် ပန်းပွဲတော်ကျင်းပပြုလုပ်နိုင်ရန် စီစဉ်ဆောင်ရွက်လျက်ရှိမှုတို့အား ရှင်းလင်းတင်ပြခဲ့ကြသည်။
ဥယျာဉ်၏အသက်သည် ရေကန်များဖြစ်၍ လာရောက်လည်ပတ်သူများကို အဓိကဆွဲဆောင်ထားသည့် ရေကန်များသာယာလှပရန်နှင့်ရေကိုစနစ် တကျထိန်းသိမ်းထားရှိမှသာ လာရောက်လည် ပတ်သူများကိုဆွဲဆောင်နိုင်မည်ဖြစ်ကာ ရေဝင်ရောက်ရန်နှင့်ရေကိုထိန်းသိမ်းနိုင်ရန် ဒေသဆိုင် ရာအုပ်ချုပ်ရေးအဖွဲ့များ၊သက်ဆိုင်ရာဝန်ကြီးဌာနများနှင့်ညှိနှိုင်း၍ ဝိုင်းဝန်းဆောင်ရွက်ရမည်ဟု မှာကြားခဲ့သည်။
ပြင်ဦးလွင်မြို့အား တောင်ပေါ် အပန်းဖြေမြို့ တော်၊ချယ်ရီမြို့တော်၊ပန်းမြို့တော်ဟု ခေါ်ဆို သည်နှင့်အညီ ဒေသမျိုးရင်းပန်းများ ဥယျာဉ်အတွင်းမြိုင်မြိုင်ဆိုင်ဆိုင်ဖြင့် ဖူးပွင့်လှပနေစေရေးဖော်ထုတ်စိုက်ပျိုးရမည်ဟု မှာကြားသည်။
“ဒေသမျိုးကို ထိန်းသိမ်းနိုင်ဖို့နဲ့ ခိုင်မာမှုရှိဖို့ ပန်းသုတေသနခြံ ဆောင်ရွက်ဖို့လိုပါတယ် ဆယ့်နှစ်လရာသီပတ်လုံးဖူးပွင့်နိုင်တဲ့ ပန်းမျိုးစုံရှိတဲ့အ တွက် ဒေသကိုလာရောက်တဲ့ ခရီးသွားဧည့်သည်တွေ ဘယ်အချိန်ပဲလာလာ စိတ်ချမ်းသာမှုရှိစေဖို့ ပန်းတွေ အမြဲမပြတ်ဖူးပွင့်လှပနေအောင် စီမံဆောင်ရွက်ရပါမယ်”ဟု နစက ဥက္ကဋ္ဌကမှာကြားခဲ့သည်။
ထို့နောက် နစက ဥက္ကဋ္ဌသည် အမျိုးသားကန်တော်ကြီးဥယျာဉ်အတွင်း ကန်တော်လေးရေပိုလွှဲတိုးချဲ့တည်ဆောက်နေမှုအား ကြည့်ရှုစစ်ဆေးခဲ့သည်။
အမျိုးသားကန်တော်ကြီးဥယျာဉ်တော်ရှိ ရေကန်များအတွင်း ယခင်နှစ်ပိုင်းက ရေဝင်ရောက်မှုနည်းပါးခဲ့၍ နစက ဥက္ကဋ္ဌ၏လမ်းညွှန်ချက်များအရ သက်ဆိုင်ရာဌာနများက ပြုပြင်ထိန်းသိမ်းမှုများပြုလုပ်ခဲ့သည်။
ထို့ကြောင့် လက်ရှိအချိန်တွင် ကန်တော်ကြီးအ တွင်း ရေဝင်ရောက်မှုမှာ ယခင်နှစ်စစ်ဆေးစဉ် ရေ လှောင်ကန်အတွင်း ကန်ရေအနက် ၁၆ ပေရှိခဲ့ရာမှ ယခုအခါ ၃၁ ဒသမ ၈ ပေနှင့်ကန်အမှတ် ၁ တွင် ရေပြည့်အမှတ် ၆ ပေမှ ရေအမှတ် ၆ ဒဿမ ၅ ပေ၊ ကန်အမှတ် ၂ တွင် ရေပြည့်အမှတ် ၇ ပေမှ ရေအမှတ် ၇ ပေ၊ ကန်အမှတ် ၃ တွင် ရေပြည့်အ မှတ် ၁၁ ပေမှ ရေအမှတ် ၈ ဒဿမ ၈ ပေရှိလာပြီဖြစ်ကာ ရေအရင်းအမြစ်ထိန်းသိမ်းရေးလုပ်ငန်းများအား ဆက်လက်ဆောင်ရွက်လျက်ရှိကြောင်း သိရသည်။
