ဘိုဂိုတာ၊ဒီဇင်ဘာ ၆
ကိုလံဘီယာနိုင်ငံ အနောက်မြောက်ပိုင်းရှိ လမ်းတစ်ခု၌မြေပြိုကျကာ ဘတ်စ်ကားတစ်စီးနှင့်အခြားယာဉ်များပိတ်မိခဲ့ပြီး လူပေါင်း ၂၇ ဦး ထက်မနည်းသေဆုံးခဲ့သည်ဟု သမ္မတဂူစတာဗိုပီထရိုကပြောကြားခဲ့သည်။
ပွေဘလိုရီကို ၌တနင်္ဂနွေနေ့ကဖြစ်ပွားခဲ့သော ဖြစ်ရပ်ဆိုးတွင် အရွယ်မရောက်သေးသူသုံးဦးအပါအဝင် လူ ၂၇ ဦး အသက်ဆုံးရှုံးခဲ့ရပြီး ဝမ်းနည်းကြေကွဲရပါကြောင်း ပီထရိုကတွစ်တာတွင်ရေးသားခဲ့သည်။
အသက်ရှင်သူတစ်ဦး၏ပြောကြားမှုအရ ယာဉ်မောင်းသည် မြေပြိုမှုကိုရှောင်တိမ်းနိုင်ရန်ကြိုးစားခဲ့သေးသည်ဟုသိရှိရသည်။
ခရီးသည် ၂၅ ဦးလိုက်ပါလာသည့် အဆိုပါဘတ်စ်ကားသည် ကာလီ မြို့မှ ထွက်ခွာလာခဲ့ခြင်းဖြစ်ကြောင်း အရပ်ဘက်ကာကွယ်ရေးအရာရှိများကပြောကြားခဲ့သည်။
ဩဂုတ်လကစတင်ခဲ့သော မိုးရာသီသည် ကိုလံဘီယာ၌ နှစ်ပေါင်း ၄၀ အတွင်း အဆိုးရွားဆုံးဖြစ်ပြီး လူပေါင်း ၂၇၀ ကျော် သေဆုံးခဲ့သည့်မတော်တဆမှုများလည်း ဖြစ်ပွားခဲ့ကြောင်း အစိုးရကပြောကြားခဲ့သည်။
Source : AFP
