ကချင်ပြည်နယ်ရှိ မြောက်ပိုင်းတိုင်းစစ်ဌာနချုပ်၊မြစ်ကြီးနားတပ်နယ်မှ အရာရှိ၊စစ်သည်၊မိသားစုများအား ဒီဇင်ဘာ ၁၃ ရက်နံနက်ပိုင်းတွင် နစက ဥက္ကဋ္ဌ၊ ဝန်ကြီးချုပ်၊ တပ်မတော်ကာကွယ်ရေးဦးစီးချုပ်ဗိုလ်ချုပ်မှူးကြီးမင်းအောင်လှိုင်က တွေ့ဆုံခဲ့သည်။
“တပ်မတော်အနေနဲ့ နိုင်ငံတော်လျှောက်လှမ်းနေတဲ့ ပါတီစုံဒီမိုကရေစီလမ်းကြောင်းခိုင်မာရေးအ တွက် လုပ်ဆောင်နေခြင်းဖြစ်ပါတယ် အဲဒီလမ်း ကြောင်းပေါ်ကနေ သွေဖယ်စေမှာမဟုတ်ပါဘူး ဒါ့ကြောင့် တိုင်းပြည်တည်ငြိမ်ရေးကို ဆောင်ရွက်ရာမှ ဥပဒေနဲ့အညီသာ ထိန်းထိန်းသိမ်းသိမ်း ဆောင်ရွက်နေတာပါ”ဟုထိုတွေ့ဆုံပွဲတွင် ဗိုလ်ချုပ်မှူးကြီးမင်းအောင်လှိုင်ကပြောသည်။
ထို့ပြင် တပ်မတော်အနေဖြင့် ပြည်သူများနှင့်လက်တွဲ၍ ဒို့တာဝန်အရေးသုံးပါးအား ခေတ်အဆက်ဆက်ကာကွယ်စောင့်ရှောက်လျက်ရှိကာ မည်သည့်အစိုးရ၊မည်သည့်ခေတ်ပင်ဖြစ်စေ တပ်မတော်အနေဖြင့် နိုင်ငံတော်ကိုကာကွယ်စောင့် ရှောက်သူ Guardian အနေဖြင့်တည်ရှိနေမည်ဟု ဆိုသည်။
တပ်မတော်အနေဖြင့် စွမ်းရည်၊စွမ်းအားမြင့်မားပြီး ကာကွယ်ရေးစွမ်းပကားမြင့်မားနေမှသာ နိုင်ငံတော်ကိုကာကွယ်စောင့်ရှောက်သူအဖြစ်တည်ရှိနေမည်ဖြစ်ကာ စည်းလုံးခြင်းအင်အား၊စုစည်းညီညွတ်သည့်အားကိုတည်ဆောက်ရမည်ဟု ပြော သည်။
“နိုင်ငံရေးအရ၊တိုင်းရင်းသားရေးအရ သဘော ထားကွဲလွဲမှုတွေရှိတာကြောင့် စုစည်းညီညွတ်တဲ့ အင်အားတစ်ခုရရှိဖို့အတွက် ရည်မှန်းချက်နှစ်ခုဖြစ်တဲ့ စစ်မှန်စည်းကမ်းပြည့်ဝသည့် ပါတီစုံဒီမိုကရေစီစနစ်ခိုင်မာစေရေး၊ဒီမိုကရေစီနှင့်ဖက်ဒရယ်စနစ်ကိုအခြေခံသည့် ပြည်ထောင်စုတည် ဆောက်ရေးကို ဦးတည်ဆောင်ရွက်နေပါတယ်၊ အဲဒီ ရည်မှန်းချက်နှစ်ခုအပေါ်မူတည်ပြီး တိုင်းပြည်စည်းလုံးညီညွတ်မှုရရှိအောင် မိမိတို့အနေနဲ့ ဆောင်ရွက်ရမှာဖြစ်ပါတယ်”ဟု ဗိုလ်ချုပ်မှူးကြီးမင်းအောင်လှိုင်ကပြောသည်။
နိုင်ငံသားအချင်းချင်းသဘောထားကွဲလွဲပြီး စည်း လုံးညီညွတ်မှုပြိုကွဲပါက နိုင်ငံ၏အားသည်လည်း လျော့နည်းသွားသည်ကိုတွေ့ရမည်ဖြစ်ကာ မိသားစုတစ်စု၌ပင် စည်းလုံးညီညွတ်မှုရှိမှသာ စုစည်းညီညွတ်သည့်အားကို ရရှိနိုင်မည်ဖြစ်ပြီး မိမိ မိသားစု၏ လုံခြုံမှုနှင့်လူမှုစီးပွားဘဝမြင့်တက်မှုကိုရရှိစေမည်ဟု ပြောကြားခဲ့သည်။
