၂၀၂၂ ခုနှစ်အား ကျွန်တော်တို့ တိုင်းရင်းသားညီ အစ်ကိုမောင်နှမများသည် အခက်အခဲများစွာနှင့် စိန်ခေါ်မှုပေါင်းစုံကြားမှ ကျွန်တော်တို့အားလုံး၏ စည်းလုံးညီညွတ်မှု၊စိတ်ရှည်သည်းခံမှုနှင့်သဘောထားပြည့်ဝမှုများနှင့်အကောင်းဆုံးဖြတ်ကျော်နိုင်ခဲ့ပြီးဖြစ်သည်ဟု နစက ဥက္ကဋ္ဌ၊ ဝန်ကြီးချုပ်၊ ဗိုလ််ျုပ်မှူးကြီးမင်းအောင်လှိုင်က ၂၀၂၃ ခုနှစ်၊ဇန်နဝါရီ ၁ ရက် (ယနေ့)တွင် ၂၀၂၃ ခုနှစ် နှစ်သစ်ကူးနှုတ်ခွန်းဆက်စကားပြောကြားရာ၌ ထည့်သွင်းပြောကြားခဲ့သည်။
ထို့ပြင် ၂၀၂၂ ခုနှစ်တွင် ကျွန်တော်တို့ ညီအစ်ကို မောင်နှမများအားလုံး၏ စုစည်းညီညွတ်အားနှင့် စိန်ရတုပြည်ထောင်စုနေ့အခါသမယကိုလည်း ခမ်းနားထည်ဝါစွာ ဂုဏ်ယူဖွယ်ကျော်ဖြတ်ခဲ့ပြီးဖြစ်သည်ဟု ဆိုသည်။
မြန်မာနိုင်ငံ၏ လွတ်လပ်ရေးရရှိခဲ့ခြင်းသည် ၇၅ နှစ်ပြည့်မြောက်တော့မည်ဖြစ်သော်လည်း ယင်းကာလအတွင်း လွတ်လပ်ရေး၏အရသာအားအပြည့်အဝခံစားရခြင်းမရှိသေးဘဲ လွတ်လပ်ရေးနဲ့အတူပေါက်ဖွားလာသည့် လက်နက်ကိုင်ပဋိပက္ခများကို တတ်နိုင်သမျှချုပ်ငြိမ်းအောင်ဆောင်ရွက်ခဲ့ကြောင်းပြောကြားခဲ့သည်။
“ငြိမ်းချမ်းရေးကို ကျွန်တော်ကိုယ်တိုင်ဖိတ်ခေါ်ပြီးဆွေးနွေးခဲ့ပါတယ်။ ဆွေးနွေးပြီးသမျှ တိုင်းရင်းသားလက်နက်ကိုင်အဖွဲ့တွေနဲ့ငြိမ်းချမ်းရေးအတွက် ဆွေးနွေးမှုတွေအပေါ်မှာ အလားအလာကောင်းတဲ့ သဘောတူညီမှုတွေရရှိခဲ့ပါတယ်”ဟု နစက ဥက္ကဋ္ဌကဆိုသည်။
မိမိဒေသ၊မိမိလူမျိုး၏ ကောင်းကျိုးအား တကယ့်ရင်ထဲမှ စစ်မှန်သည့်စေတနာ၊ မေတ္တာအမှန်တရားနှင့်လိုလားရန်သာအရေးကြီးကာ လက်နက်ကိုင်ပဋိပက္ခများဖြေရှင်းနိုင်ပါက တိုင်းရင်းသားများနှင့်တိုင်းရင်းသားဒေသများ၏ အခွင့်အရေးကို ပိုမိုဆောင်ရွက်ပေးနိုင်မည်ဖြစ်ကြောင်းထည့်သွင်းပြောခဲ့သည်။
“တိုင်းရင်းသားညီအစ်ကိုမောင်နှမတွေ ဒီမိုကရေစီ အခွင့်အရေးတွေမဆုံးရှုံးစေဖို့ တိုင်းရင်းသားဒေသတွေအပါအဝင် တစ်နိုင်ငံလုံးနေရာအနှံ့ အ ကြားအလပ်မရှိ ရွေးကောက်ပွဲကျင်းပနိုင်ဖို့ ကြိုး စားဆောင်ရွက်နေပါတယ်။ တိုင်းပြည်ကို မူလအခြေအနေအတိုင်းအေးချမ်းစေဖို့ဆောင်ရွက်နေပါတယ်”ဟု နစက ဥက္ကဋ္ဌက ပြောသည်။
၂၀၂၃ ခုနှစ်သည် မြန်မာနိုင်ငံ၏ လွတ်လပ်ရေးရရှိခြင်း ၇၅ နှစ်ပြည့် စိန်ရတုတိုင်ခဲ့ပြီဖြစ်ကာ တစ်နိုင်ငံလုံးအတိုင်းအတာဖြင့် ဖွံ့ဖြိုးတိုးတက်ရေးနှင့်ငြိမ်းချမ်းရေး၏ အသီးအပွင့်များခံစားရန် အစပျိုးသည့် နှစ်တစ်နှစ်ဖ. မြန်မာ့နိုင်ငံရေးအချိုးအကွေ့တစ်ခုတွင် သမိုင်းကောင်းတစ်ခုဖန်တီးနိုင်မည့် အခွင့်အရေးကောင်းတစ်ခုအား တိုင်းရင်းသားပြည်သူများ ပိုင်ဆိုင်ခွင့်ရသော နှစ်တစ်နှစ်ဖြစ်၍ဒီအခွင့်အရေးကိုအရယူနိုင်ရန်မျှော်လင့်သည်ဟု ဆိုသည်။
“ကျွန်တော်တို့အားလုံး အတူတကွလျှောက်လှမ်းချင်တဲ့ စစ်မှန်စည်းကမ်းပြည့်ဝတဲ့ ဒီမိုကရေစီစနစ်ခိုင်မာစေဖို့နဲ့ ဒီမိုကရေစီနဲ့ဖက်ဒရယ်စနစ်ကိုအ ခြေခံတဲ့ ပြည်ထောင်စုတည်ဆောက်ရေး အတွက် အခုရှိပြီးသားထက်ပိုမိုတဲ့ ပေါင်းစည်းညီညွတ်မှုတွေနဲ့ ရှေ့ကိုခရီးဆက်ရမှာပဲဖြစ်ပါတယ်။အဲဒီလိုခရီးဆက်နိုင်အောင်လည်း နစက အနေနဲ့ ဘက်ပေါင်းစုံကနေ ရှိသမျှတံခါးတွေ အားလုံးဖွင့်ပြီး လက်ကမ်းကြိုနေပါတယ်”ဟု နစက ဥက္ကဋ္ဌကပြောသည်။
၂၀၂၂ ကမ္ဘာမှာ နိုင်ငံတကာအရေးအခင်းကိုကြည့်ပြီး ၂၀၂၃ ခုနှစ်တွင် တိုင်းရင်းသားညီအစ်ကိုအားလုံး ပိုမိုသတိရှိခြင်းနှင့်ပိုမိုအသိရှိကာ ၎င်းတို့အား ကျော်လွှားနိုင်ရန် ပြည့်အင်အားသည် ပြည်တွင်းမှာသာရှိ ဆိုသည့်အတိုင်း မိမိတို့အားလုံးစည်းလုံးစွာကျော်ဖြတ်ရန်လိုအပ်သည်ဟု ဆိုသည်။
“နိုင်ငံတော်အတွက် အကျိုးဖြစ်ထွန်းစေမယ့် အပြုသဘောဆောင်ရွက်ချက်တွေကို “မြန်မာစိတ်” မွေးပြီးတော့ စည်းစည်းလုံးလုံးလုပ်ကိုင်သွားကြမယ်ဆိုရင် ကျွန်တော်တို့ သွားချင်တဲ့ “ပန်းတိုင်” ကို မလွဲမသွေရောက်ရှိမှာပဲဖြစ်ပါတယ်”ဟု နစက ဥက္ကဋ္ဌက. သည်။
မိမိတို့အားလုံး နိုင်ငံ့အကျိုး၊တိုင်းရင်းသားပြည် သူလူထုအကျိုးအား ရှေးရှု၍ ပိုမိုကောင်းမွန်သည့် နိုင်ငံတော်၏ လူမှုစီးပွားဘဝများကို မျိုးဆက်သစ်လူငယ်များအတွက် တည်ဆောက်ပေးရမည်ဖြစ်ပြီး မျိုးဆက်သစ်လူငယ်များထံမှ တိုင်းပြည်အတွက်အဖိုးတန်သည့် လူ့စွမ်းအားအရင်းအမြစ်များကို အကျိုးရှိရှိအသုံးချနိုင်စေရန် တာဝန်ရှိသူ များအားလုံး ညီညွတ်စွာဆောင်ရွက်ကြရန် နစက ဥက္ကဋ္ဌက တိုက်တွန်းပြောကြားခဲ့သည်။
နှစ်သစ်နှုတ်ခွန်းဆက်တွင် နိုင်ငံသားအားလုံးလည်း နှစ်သစ်အခါသမယမှသည် နှစ်များစွာတိုင် ကိုယ်စိတ်နှလုံးချမ်းမြေ့စွာနဲ့ကောင်းကျိုးလိုရာ အဖြာဖြာဖန်တီးနိုင်သူများဖြစ်စေကြောင်းဆုတောင်းထားသည်။
