ရန်ကုန်တိုင်း၊ဒဂုံမြို့သစ်(တောင်ပိုင်း)မြို့နယ်၊ ၁၄၆ ရပ်ကွက်၊သံလွင်(၃)လမ်းရှိ Save The Aged(STA)သက်ကြီးရွယ်အိုစောင့်ရှောက်ရေးနှင့်ထောက်ပံ့ရေးပရဟိတအသင်းမှ အသက်(၆၅) နှစ်နှင့်အထက် ခိုကိုးရာမဲ့ဘိုးဘွားများအား STA ဘိုးဘွားရိပ်သာ၌ စောင့်ရှောက်ပေးလျက်ရှိသည်။
STA ဘိုးဘွားရိပ်သာမှ အသက်(၆၅)နှစ်နှင့်အ ထက် သားသမီးအရင်းအချာမရှိသည့် ခိုကိုးရာမဲ့ဘိုးဘွားများအား ကိုယ်စားမိဘအဖြစ်သတ်မှတ် ၍ ၎င်းတို့၏ဘဝနေဝင်ချိန်အထိ စောင့်ရှောက်ပေးခြင်းဖြစ်ကာ သားသမီးအရင်းရှိသော်လည်း ခိုကိုးရာမဲ့နေသော ဘိုးဘွားအချို့ကိုလည်း သီး သန့်လိုအပ်ချက်အနေဖြင့် အသင်းဝင်များတိုင်ပင်ကာလက်ခံပေးကြောင်း သိရသည်။
“Save The Aged(STA) ဘိုးဘွားရိပ်သာကို ၂၀၁၅ ခုနှစ်၊ ဇန်နဝါရီ ၃ ရက်မှာ စတင်ဖွင့်လှစ်ခဲ့ပါတယ် အခုဆိုရင် ၈ နှစ်ပြည်ပြီဖြစ်ပါတယ် Save The Aged(STA)သက်ကြီးရွယ်အိုစောင့်ရှောက်ရေးနှင့်ထောက်ပံ့ရေးပရဟိတအသင်းကတော့ ၁၃ နှစ်ပြည့်ခဲ့ပြီဖြစ်ပါတယ်”ဟု STA မှတာဝန်ရှိသူတစ်ဦးကပြောသည်။
လက်ရှိအချိန်၌ STA ဘိုးဘွားရိပ်သာတွင် အဘိုး ၁၇ ဦး၊အဘွား ၁၇ ဦး၊ပြင်ပနေ အဘိုး ၂ ဦး၊အ ဘွား ၇ ဦး(စုစုပေါင်း ၄၃ ဦး)အား STA အသင်းမှစောင့်ရှောက်ပေးလျက်ရှိကြောင်း သိရသည်။
ထိုသို့ စောင့်ရှောက်ပေးရာတွင် ဘိုးဘွားများအား နေ့စဉ် ဘုရားရှိခိုး၊တရားထိုင်၊တရားနာ၊ကိုယ်လက်လှုပ်ရှားမှု့လေ့ကျင့်ခန်း၊အိပ်ချိန်၊အနားယူချိန်များအား အသက်အရွယ်နှင့်သင့်လျော်သည့် အချိန်ဇယားများထားရှိကာ ပြုစုစောင့်ရှောက်ပေးလျက်ရှိကြောင်း သိရသည်။
ထို့ပြင် (၃)လတစ်ကြိမ် ပြင်ပဘုရားဖူးနှင့်အပန်း ဖြေခရီးစဥ်များကိုလည်း လိုက်လံပို့ဆောင်ပေးကာ ဘိုးဘွားများ၏ ကျမ်းမာရေးအတွက် ဆရာ ဝန်ကြီးတစ်ဦးမှကြီးကြပ်၍ ပင်တိုင်သူနာပြု ၃ ဦးထားရှိ၍ ဘိုးဘွားများကိုစောင့်ရှောက်ပေးလျက်ရှိကြောင်း သိရသည်။
STA ဘိုးဘွားရိပ်သာ၏ နှစ်ပတ်လည်နေ့အခမ်း အနားအား ယနေ့ ဇန်နဝါရီ ၄ ရက်က ကျင်းပခဲ့ကြောင်း သိရသည်။
