အဂတိလိုက်စားမှုသည် နယ်ပယ်အသီးသီးတွင် ပုံစံအ မျိုးမျိုးဖြင့် ဖြစ်ပေါ်နိုင်ပြီး အများပြည်သူပိုင်ပစ္စည်းများကို ကိုယ်ပိုင်အဖြစ် သုံးစွဲခြင်းသည်လည်း အဂတိ လိုက် စားမှုဖြစ်ကြောင်း မကွေးတိုင်းဝန်ကြီးချုပ် ဦးတင့်လွင်က ပြောသည်။
ဇန်နဝါရီလ (၁၀) ရက်က မကွေးမြို့တော်ခန်းမတွင် ပြု လုပ်သည့် အဂတိလိုက်စားမှုတားဆီးကာကွယ်ရေးဆိုင် ရာ အသိပညာပေး ရှင်းလင်းဆွေးနွေးပွဲ အခမ်းအနားတွ င် ဝန်ကြီးချုပ်က ပြောကြားခဲ့ခြင်း ဖြစ်သည်။
” အဂတိလိုက်စားမှုသည် နယ်ပယ်အသီးသီးမှာ ပုံစံအ မျိုးမျိုးဖြင့် ဖြစ်ပွားနိုင်ပြီး လာဘ်ပေး၊ လာဘ်ယူပြုလုပ်ခြင်းသာမက ခြိမ်းခြောက်ငွေညှစ်ခြင်း၊ နိုင်ငံပိုင်ငွေကြေးနှင့် ပစ္စည်းများကို အလွဲသုံးစားပြုလုပ်ခြင်း၊ အများပြည် သူပိုင်ပစ္စည်းများကို ကိုယ်ပိုင်အဖြစ် သုံးစွဲခြင်းတို့ဟာအ ဂတိလိုက်စားမှု ပုံစံများဖြစ်ပါတယ်” ဟု ဝန်ကြီးချုပ် ဦးတင့်လွင်က ပြောသည်။
တိုင်းဒေသကြီးအတွင်းရှိ အစိုးရဌာန၊ အဖွဲ့အစည်းများ၊ တိုင်းဒေသကြီး၊ ခရိုင်၊ မြို့နယ်အဆင့် တာဝန်ရှိ ပုဂ္ဂိုလ်များအနေဖြင့် အဂတိလိုက်စားမှု မြောက်နိုင်သော ကိစ္စရပ်များ၊ အဂတိလိုက်စားမှုရဲ့ ဆိုးကျိုးများနှင့် အဂတိ လိုက်စားမှုတိုက်ဖျက်ရေး ဥပဒေပါ ပြဌာန်းချက်များနှင့် ပြစ်မှုပြစ်ဒဏ်များကို သိရှိနားလည်ပြီး အဂတိလိုက်စားမှု ဖြစ်ပေါ်နိုင်သော အကြောင်းအရာများကို ရှောင်ကြရန်လ ည်း ဝန်ကြီးချုပ်က ပြောကြားခဲ့သည်။
ထို့အပြင် အဂတိလိုက်စားမှု ကျူးလွန်ပါက အဂတိလိုက် စားမှု တိုက်ဖျက်ရေး ဥပဒေနှင့် အရေးယူခံရမည့်အပြင် မိမိ၏ ပတ်ဝန်းကျင် အသိုင်းအဝိုင်းတွင်လည်း ဂုဏ်သိ က္ခာ ထိခိုက်ကျဆင်းစေမည်ဖြစ်ကြောင်းလည်း ပြောကြားခဲ့သည်။
နိုင်ငံ့ဝန်ထမ်းဟူသည် နိုင်ငံတော်အစိုးရနှင့် ပြည်သူများအကြား ယုံကြည်မှုတည်ဆောက်ရာတွင် အရေးပါသည့် ပေါင်းကူးတံတားသဖွယ် ဖြစ်သည့်အတွက် အဂတိတ ရား ကင်းရှင်းရန်လိုအပ်ပြီး သန့်ရှင်းသော အစိုးရ၊ ကော င်းမွန်သော အုပ်ချုပ်ရေးစနစ်ကို အကောင်အထည်ဖော် တည်ဆောက်ရမည်ဖြစ်ကြောင်းလည်း ဝန်ကြီးချုပ်က မှာကြားခဲ့သည်။
