နာဂရိုးရာနှစ်သစ်ကူးပွဲတော်အခမ်းအနားအား ဇန် နဝါရီ ၁၅ ရက်မွန်းလွဲပိုင်းက နာဂကိုယ်ပိုင်အုပ် ချုပ်ခွင့်ရဒေသ၊လဟယ်မြို့၌ကျင်းပရာ နစက ဥက္ကဋ္ဌ၊ ဝန်ကြီးချုပ်၊ ဗိုလ်ချုပ်မှူးကြီးမင်းအောင် လှိုင် တက်ရောက်ချီးမြှင့်စဥ် ပြောကြားခဲ့ခြင်းဖြစ် သည်။
ပြည်ထောင်စုကြီးတစ်ခုလုံး ဟန်ချက်ညီညီဖွံ့ဖြိုးတိုးတက်ရေးအတွက် နိုင်ငံတော်တစ်ဝှမ်းလုံး တည်ငြိမ်အေးချမ်းမှုရှိရန်လိုအပ်သည်ဟု ဆို သည်။
ထို့ကြောင့် အမျိုးသားပြန်လည်သင့်မြတ်ရေးနှင့် ပြည်ထောင်စုကြီးတစ်ခုလုံး တည်ငြိမ်အေးချမ်းရေးလုပ်ငန်းစဉ်အတွက် နိုင်ငံတော်အစိုးရ၏ ကြိုးပမ်းဆောင်ရွက်နေမှုကို ပြည်သူများအနေဖြင့် ကျရာအခန်းကဏ္ဍမှလက်တွဲပူးပေါင်း ဆောင်ရွက်ရန်လိုသည်ဟု ဆိုသည်။
“တည်ငြိမ်အေးချမ်းပြီးဖြစ်တဲ့ နာဂဒေသကို အခုထက် ပိုမိုတည်ငြိမ်အေးချမ်းအောင် နာဂဒေသမှာရှိတဲ့ တိုင်းရင်းသားအားလုံးက ကြိုးပမ်းဆောင်ရွက်သွားကြစေလိုပါတယ်”ဟု နစက ဥက္ကဋ္ဌက တိုက်တွန်းပြောကြားခဲ့သည်။
မိမိတို့ အစိုးရအဖွဲ့အနေဖြင့် နိုင်ငံ့တာဝန်အရပ်ရပ်အား ဖွဲ့စည်းပုံအခြေခံဥပဒေနှင့်အညီ ထိန်းသိမ်းဆောင်ရွက်လျက်ရှိပြီး နစက ၏အခြေခံမူများဖြစ်သည့် ရှေ့လုပ်ငန်းစဉ်(၅)ရပ်နှင့်နိုင်ငံရေး၊စီး ပွားရေး၊လူမှုရေး ဦးတည်ချက် (၉)ရပ် ချမှတ်၍ နိုင်ငံတော်တည်ငြိမ်အေးချမ်းရေး၊ဖွံ့ ဖြိုးတိုးတက်ရေးနှင့်တိုင်းရင်းသားပြည်သူများ၏ လူမှုစီးပွားဘဝများ တိုးတက်ဖွံ့ဖြိုးရေးကို ကြိုးပမ်းဆောင်ရွက်လျက်ရှိသည်ဟု ဆိုသည်။
ထို့ပြင် နာဂကိုယ်ပိုင်အုပ်ချုပ်ခွင့်ရဒေသ၏ ဖွံ့ဖြိုး တိုးတက်မှုအ အရှိန်အဟုန်မြှင့်ဆောင်ရွက်ရာတွင် ပြည်ထောင်စုအစိုးရ၊စစ်ကိုင်းတိုင်းအစိုးရအဖွဲ့နှင့် နာဂကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ် ရေးအဖွဲ့တို့နှင့်အတူ တိုင်းရင်းသားပြည်သူများက တက်ညီလက်ညီ ဝိုင်းဝန်းဆောင်ရွက်ရမည်ဟု မှာ ကြားသည်။
“အဲဒီလိုဆောင်ရွက်ရာမှာလည်း တစ်ဦးချင်းစီ တာဝန်ယူတတ်တဲ့ စိတ်ဓါတ်တွေမွေးမြူပြီး စေ တနာအပြည့်နဲ့ ဆောင်ရွက်ကြဖို့လိုအပ်ပါတယ် နစက အနေနဲ့လည်း နိုင်ငံ့စီးပွားမြှင့်တင်ရေး ရန်ပုံ ငွေကန နာဂ ကိုယ်ပိုင်အုပ်ချုပ်ခွင့်ရဒေသအတွက် ကျပ် ၅ ဘီလီယံ မတည်ထောက်ပံ့ပေးခဲ့ပါတယ်” ဟု နစက ဥက္ကဋ္ဌကပြောသည်။
ထိုသို့ ထောက်ပံ့ပေးမှုအား စိုက်ပျိုးရေး၊မွေးမြူ ရေးလုပ်ငန်းများနှင့်ပြည်သူလူထု၏ လူမှုဘဝဖွံ့ ဖြိုးတိုးတက်ရေးလုပ်ငန်းများ၌ အကျိုးရှိရှိ အောင်မြင်အောင် အကောင်အထည်ဖော်ဆောင် ရွက်ရမည်ဟု မှာကြားခဲ့သည်။
မိမိတို့အစိုးရအဖွဲ့အနေဖြင့်လည်း နာဂဒေသ၏ လမ်းပန်း ဆက်သွယ်ရေး အပါအဝင် ကဏ္ဍအားလုံးကို ယခုထက် ပိုမိုမြှင့်တင်နိုင်ရန်ဆောင်ရွက်ပေးသွားမည်ဟု ဆိုသည်။
“အထူးသဖြင့် နာဂတိုင်းရင်းသားတွေရဲ့ ပညာရေးကဏ္ဍ၊လမ်းပန်းဆက်သွယ်မှုကဏ္ဍနဲ့ကျန်းမာရေးကဏ္ဍတွေ အချိုးညီညီဖွံ့ဖြိုးတိုးတက်နိုင်စေဖို့ကြိုးပမ်းဆောင်ရွက်ပေးသွားမှာဖြစ်ပါတယ်”ဟု နစက ဥက္ကဋ္ဌကပြောကြားခဲ့သည်။
